main-post-cover

    Intel məhkəmə qərarına əsasən 1 milyard dollara yaxın təzminat ödəyəcək: Səbəb nədir?

    Tech-Biznes
    Startup və Biznes
    e-ticaret
    18.11.2022
    Farid Pardashunas
        Böyük şirkətlər intellektual mülkiyyət hüquqlarının pozulması mövzusunda tez-tez məhkəmə iddiası qaldırırlar. Lakin bəzən şirkətlərin özlərinə də qarşı bu mövzuda məhkəmə iddiaları qaldırılır. Bir neçə müddət bundan öncə Texas ştatı məhkəməsi Intel ilə VLSI adlı az tanınan şirkət arasındakı plagiat mövzusunda olan məhkəmə işində VLSI şirkətini haqlı çıxardıb. Beləliklə məhkəmə qərarına əsasən Intel şirkəti VLSI-ya 1 milyard dollara yaxın təzminat ödəməlidir. VLSI şirkəti Forttress Investment Group adlı holdinqin tərkibinə daxil olan şirkətdir.
        Intel ilə VLSI arasında məhkəmə prosesinin başlamasının əsas səbəbi isə US7247552B2 adlı patentdir. Məlumata əsasən VLSI şirkəti sözügedən patenti vaxtı ikən Niderlandın mikrosxem istehsalçısı olan NXP Semiconductors NV adlı şirkətindən alıb. Bu patent sənədi birləşdirici platformalarda istifadə edilən cərəyan nəticəsində yaranmış qüsurlarla bağlı problemlərin aradan qaldırılması üçün nəzərdə tutulmuş hansısa üsulu təsvir edir.
        VLSI şirkətinin bəyanatına əsasən Intel şirkəti patentləşdirilmiş bu texnologiyanı özünün Skylake Cascade Lake seriyalarına daxil olan prosessorlarında istifadə edib. Sözügedən prosessor seriyalarına daxil olan məhsullar 2015-ci ildən 2019-cu ilə kimi satışa çıxıblar. Intel isə öz növbəsində qeyd edilmiş texnologiyanı Skylake, Cascade Lake və digər məhsullarda istifadə edilmədiyini bildirib. Lakin sonda məhkəmə hakimi VLSI şirkətini haqlı tərəf kimi təyin edib. Nəticədə Intel şirkəti VLSI-ya 949 milyon dollar dəyərində təzminat ödəməlidir.
    Linki kopyala

    Bənzər xəbərlər

    Oxşar xəbərlər