Elon Musk-ın Neuralink şirkətinin bazar dəyəri 5 milyard dollara yüksəlib

    Elon Musk-ın beyin implantının hazırlanması ilə məşğul olan Neuralink şirkətinin bazar dəyəri 2 il bundan öncə 2 milyard dollar təşkil edirdi. Lakin indi məlum olub ki, şirkətin bazar dəyəri 5 milyard dollara yüksəlib. Məlumatda qeyd edilib ki, optimist investorlar son aylar ərzində şirkətin bazar dəyərini yüksəldiblər. Qeyd etmək lazımdır ki, keçən ayın sonunda Neuralink rəsmi şəkildə elan etmişdi ki, o öz beyin implantının insanlar üzərində testləri üçün lazımi icazəni əldə edib.

    Mütəxəssislərin fikirlərinə əsasən isə şirkətin öz texnologiyasının kommersiya məqsədli istifadəsi üçün uzun illər lazım olacaq. Mütəxəssislərdən birinin sözlərinə əsasən bunun üçün minimum 10 il zaman lazımdır. Musk-ın özünə gəldikdə isə o, Neuralink-ə böyük ümidlər bağlayır. Onun fikrincə Neuralink-in beyin implantları vasitəsilə müxtəlif fiziki və psixoloji problemləri aradan qaldırmaq mümkün olacaq.