İT sahənin işçiləri üçün nəzərdə tutulmuş Blind adlı anonim forumun son məlumatlarına əsasən Apple, Amazon və Microsoft-da çalışan mühəndislər ilə proqramçılardan fərqli olaraq Google və Meta şirkətlərində çalışan mühəndislər və proqramçılar daha yüksək maaş əldə edirlər. Bu məlumatlar 2022-ci ilin yanvar ayından 2023-cü ilin avqust ayına kimi Blind forumunun anonim iştirakçıları arasında keçirilmiş sorğuya əsaslanırlar.

    İctimai şirkətlər bütün əməkdaşlarının ortalama illik maaşlarını açıqlamalı olduqları halda konkret kateqoriyaya daxil olan işçilərin maaşları barəsində məlumatlar gizli saxlanılır və adətən bu cür məlumatlar məhz işçilər tərəfindən təqdim edilir. Blind anonim forum olsa da, öz məlumatlarının dəqiqliklərini təmin etmək üçün o, iştirakçılardan öz iş yerlərini iş məqsədli elektron poçt ünvanı vasitəsilə təsdiqləməyi tələb edir. Əldə edilmiş yeni məlumatlar əsasında Blind bir sıra maraqlı statistikanı da tərtib edib.

- Apple və Microsoft junior səviyyəli mühəndislərə ortalama ən az maaş ödəyən şirkətlərdir

- Digər şirkətlərdən fərqli olaraq Amazon-da karyera yüksəlişi daha çox zaman alır. Lakin bununla belə Amazon-da mühəndislərin maaş diapazonları daha genişdir

- Görünür, Meta şirkətinin mühəndisləri öz səviyyələrini daha sürətlə qaldırırlar və ən yüksək maaşlardan birini əldə edirlər.