İnsayderlər: Məşhur prosessor istehsalçısı Huawei ilə əməkdaşlıq üçün ABŞ-dan icazə əldə edib
Tech-Biznes
Startup və Biznes
e-ticaret
11.11.2020
Emil Nəcəfov
ABŞ hökuməti Huawei şirkətinə qarşı yeni sanksiyalar tətbiq edəndən sonra Huawei öz smartfonlarında fərdi Kirin prosessorlarının istifadəsindən məhrum olmuşdu. İnsayderlərin verdikləri yeni məlumata əsasən Huawei şirkəti Qualcomm ilə əməkdaşlığa start verəcək. Məlumatda qeyd edilib ki, Qualcomm bu istiqamətdə ABŞ hökumətindən icazə lisenziyası əldə edib. Bu barədə Gizmochina saytı xəbər verib. Çinin kütləvi informasiya vasitələri bildiriblər ki, Qualcomm şirkəti Huawei ilə əməkdaşlıq üçün ABŞ hökumətindən icazə lisenziyasını əldə edə bilib.
Məlumatda qeyd olunub ki, Huawei şirkətinin P və Mate seriyalarının yeni smartfonları Snapdragon prosessorları ilə təchiz olunacaqlar. Onu da qeyd etmək lazımdır ki, bir neçə müddət bundan öncə Huawei ilə əməkdaşlıq üçün icazə lisenziyasını həmçinin Intel, AMD, Samsung Display və Sony şirkətləri də əldə etmişdilər. Bu ilin sentyabr ayında TSMC şirkəti Huawei üçün Kirin prosessorlarının istehsalın dayandırmışdı. Belə ki, həmin Kirin prosessorlarının istehsalında TSMC şirkəti ABŞ texnologiyalarından istifadə edirdi.
Hələ bu ilin avqust ayında Huawei Consumer Business-in rəhbəri Richard Yu bildirmişdi ki, Mate 40 seriyası Kirin prosessorlarını əldə edəcək son smartfon seriyası ola bilər. Gözləntilərə əsasən gələn il təqdim olunacaq Huawei P50 smartfon seriyası Snapdragon 875 prosessoru ilə təchiz olunacaq. Hal hazırda aktual olan Mate 40 seriyasına gəldikdə isə dekabr ayında Snapdragon 875 prosessoru təqdim olunandan sonra Huawei onu Qualcomm platformasına keçirdə bilər.
Linki kopyala
Həftənin xəbərləri
Whatsapp yaxın zamanda 2 yeni funksiyanı əldə edəcək
Qutusu açılmamış birinci nəsil iPhone modeli 15 Pro Max-dan təxminən 80 qat baha qiymətə satılıb!