Meta şirkəti Rusiyada rəsmi şəkildə ekstremist təşkilat kimi tanınıb

Meta şirkəti Rusiyada rəsmi şəkildə ekstremist təşkilat kimi tanınıb

Startup və Biznes
22.03.2022 PAYLAŞIM

    Moskvanın Tver məhkəməsi Facebook, Instagram, Whatsapp və s. servislərə sahib olan Meta şirkətini ekstremist təşkilat kimi tanıyıb. Məhkəmə hakimi Meta Platforms-un Rusiyada fəaliyyətini qadağan etmək qərarını verib. Məhkəmədə təyin edilib ki, şirkətin fəaliyyətinin dayandırılması üzrə verilmiş qərar açıqlandığı andan qüvvəyə minib. Məhkəmə prosesi zamanı prokuror qeyd edib ki, verilmiş qərar Whatsapp messencerini əhatə etmir. Belə ki, Whatsapp sosial şəbəkə funksiyasını daşımır. Beləliklə Rusiyada Facebook ilə Instagram-ın daha sərt şəkildə məhdudlaşdırılması nəzərdə tutulub.

    Bununla belə Meta şirkətinin servislərindən istifadə edən fiziki şəxslər və təşkilatlar məsuliyyətə cəlb edilməyəcəklər. “Fiziki və hüquqi şəxslər tərəfindən Meta şirkətinin məhsullarından istifadə, onların ekstremist fəaliyyətdə iştirak etmələri kimi qəbul edilməməlidir. Həmin şəxslər Meta şirkətinin məhsullarından istifadə etdikləri üçün məsuliyyətə cəlb olunmayacaqlar” - deyə prokuror qeyd edib. Rusiyada olan istifadəçilərin və şirkətlərin Meta servislərində reklamların alınmasında iştirak edib-etməyəcəkləri sualı hələ də qalır.


    Hüquqşünasların fikirlərinə əsasən sözügedən şirkətin servislərində reklamların alınması bundan sonra ekstremist fəaliyyətin maliyyələşdirilməsi kimi qəbul edilə bilər. Qeyd etmək lazımdır ki, hələ bir neçə müddət bundan öncə Rusiyada Facebook ilə Instagram bloklanmışdı. Meta şirkəti Rusiya ilə Ukrayna arasındakı müharibənin fonunda özü üçün problemlər qazandı. Belə ki, şirkət öz servislərində rusiyalı hərbçilərə qarşı zorakılığa çağırışları əhatə edən rəyləri paylaşmağa icazə vermişdi. Məhz bundan sonra Rusiya Federasiyasının Baş prokurorluğu məhkəməyə müraciət etmiş və Meta şirkətini ekstremist təşkilat kimi tanımağı tələb etmişdi.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


SpaceX ABŞ-ın ən bahalı özəl şirkəti statusunu əldə edib

SpaceX səhmlərinin təkrar bazarda satılması nəticəsində şirkətin bazar dəyəri 125 milyard dollara yü..


Dünyada üçüncü yer: Xiaomi smartfonlarının aktiv istifadəçi kütləsi 500 milyon i..

Counterpoint Research şirkətinin verdiyi məlumata əsasən bu ilin birinci rübündə Xiaomi şirkəti öz t..


Twitter-in alınmasından imtina halında Elon Musk-ın 1 milyard dollar cərimə ödəm..

Bir neçə gün bundan öncə Elon Musk Twitter-in satın alınması prosesinin dayandırıldığını elan etmişd..


Elon Musk Twitter-in satın alınma prosesini dayandırıb: Səbəb nədir?

Keçən ayın ortasından başlayaraq Elon Musk-ın Twitter-i almaq planı barəsində məlumatlar ortaya çıxm..


Azərbaycanda yeni Mələk İnvestorlar Klubu yaradıldı

'Technovate Investments' vençur və ya 'startup studio' modeli ilə işləyir. Bu startaplar ilə işləyə..


Elon Musk-ın Twitter-i 44 milyard dollara alması rəsmi şəkildə elan edilib

Elon Musk-ın Twitter-i 44 milyard dollara alacağı təsdiqlənib. Twitter bu məlumatı rəsmi şəkildə təs..

×