Mobil prosessor bazarında yeni oyunçu?: Nvidia şirkəti ARM Holdings-in alınması üzrə danışıqlar aparır

Mobil prosessor bazarında yeni oyunçu?: Nvidia şirkəti ARM Holdings-in alınması üzrə danışıqlar aparır

Startup və Biznes
01.08.2020 PAYLAŞIM

    İyul aynın ortasında məlumat ortaya çıxmışdı ki, Yaponiyanın Softbank şirkəti mobil cihazlar üçün nəzərdə tutulmuş RISC prosessorların hazırlanması ilə məşğul olan ARM Holdings şirkətini satmağı planlaşdırır. Məlumatda qeyd olunurdu ki, ARM Holdings-in alınmasında Apple şirkəti maraqlıdır. Lakin sonradan Apple bu məlumatları təkzib etdi. Yeni məlumata əsasən ARM Holdings-in alınmasında Nvidia şirkəti maraqlıdır. Bu barədə The Verge saytı xəbər verib. Məlumata əsasən Nvidia şirkəti ARM Holdings-in əldə olunması üçün Softbank ilə ilkin danışıqlar aparır.

    Güman olunur ki, bu cür müqavilə Nvidia şirkətinə 32 milyard dollara başa gələcək. Qeyd etmək lazımdır ki, Softbank şirkəti ARM Holdings-i 2016-cı ildə 31 milyard dollara almışdı. Həmin vaxtda bu, Avropada reallaşdırılmış ən böyük İT müqavilə olmuşdu. İnsayderlər qeyd ediblər ki, ARM Holings-in alınması məsələsində Softbank ilə danışıqlar aparan yeganə şirkət məhz Nvidia-dır. Qeyd etmək lazımdır ki, ARM Holdings demək olar bütün mobil prosessorlarda istifadə olunan Cortex nüvələrinin və üstəlik Mali qrafik sürətləndiricilərinin hazırlanması ilə məşğul olur.


    Başa düşmək lazımdır ki, şirkət özü birbaşa istehsal ilə məşğul olmur. O sadəcə olaraq Qualcomm, Samsung, MediaTek, Huawei və digər şirkətlər üçün öz texnologiyalarını lisenziyalaşdırır. Müəyyən müddət ərzində şirkətin tenxologiyalarından Apple şirkəti istifadə edirdi. Lakin nəticədə Apple fərdi texnologiyalara keçid etmək qərarına gəldi. Nvidia-nın, ARM Holdings-in əldə olunmasında maraqlı olması gözləniləndir. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Böyük Britaniya hökuməti böyük texnoloji şirkətlərin nizamlanması üçün əlavə döv..

Böyük Britaniya hökuməti Apple, Google, Amazon və Facebook kimi böyük texnoloji şirkətlərin nizamlan..


Snapdragon prosessorlarından imtina?: Huawei hal hazırda Qualcomm ilə əməkdaşlıq..

Bir neçə müddət bundan öncə Qualcomm şirkəti ABŞ sanksiyalarına məruz qalmış Huawei ilə əməkdaşlıq ü..


ABŞ hökuməti Facebook şirkətinə qarşı antimonopoliya ittihamı qaldırmağa hazırla..

Federal orqanlar və ABŞ ştatlarının hökumətləri Facebook şirkətinə qarşı antimonopoliya ittihamı qal..


Apple şirkəti kiçik biznes tərtibatçıları üçün App Store komissiyasını 30%-dən a..

Bir neçə müddət bundan öncə Telegram-ın yaradıcısı Pavel Durov, App Store platformasını sərt şəkildə..


MediaTek şirkəti Intel biznesinin vacib şöbəsini 85 milyon dollara alır: Səbəb n..

Mobil prosessorların istehsalı ilə məşğul olan MediaTek şirkəti Intel-in Enpirion Power Solutions ad..


Rəsmi: Huawei şirkəti özünün Honor brendini satıb

Bir neçə müddət bundan öncə məlumat ortaya çıxmışdı ki, Huawei şirkəti özünün Honor brendini ABŞ san..

×