Şübhəsiz ki, süni intellekt bu gün texnologiya dünyasının ən vacib mövzusudur. Gündəlik olaraq bu texnologiyanın inkişaf etdiyini və bu sahədə yeni şirkətlərin ortaya çıxdığını görürük. Buna uyğun olaraq, süni intellektlə bağlı addımlar atan şirkətlər daha çox diqqət çəkir. Ancaq bəzən maraqlı hadisələr də baş verir. Yaponiyada baş verənlər bunun ən yaxşı nümunəsidir. Dünyada davam edən süni intellekt çılğınlığı, heç kimin tanımadığı Yaponiyada yerləşən qədim bir şirkətin yüksəlişinə səbəb olub. 139 illik bu şirkət, bir anda birjanın ulduzuna çevrilib.

      Fujikura adlı bu şirkət, məlumat mərkəzləri üçün kabellər istehsal edən elektrik avadanlıqları istehsalçısıdır. Tokioda yerləşən bu firmanın tarixi 1885-ci illərə qədər gedib, çıxır. Şirkətin səhmləri son bir ildə 400%-ə yaxın artaraq bazarın ən uğurlu firmalarından birinə çevrilib.

      Sürətlə yüksəlişə keçən bu qədim şirkət, fiber-optik kabellər sahəsində ixtisaslaşıb. Onun məhsulları sektorda ən kiçik diametrə malikdir. Bu xüsusiyyət məhsulların dar yerlərdə istifadəsini asanlaşdırır və onları rəqiblərindən üstün edir. Süni intellekt üçün məlumat mərkəzlərinin əhəmiyyətini nəzərə alsaq, belə bir şirkətin uğur qazanması təəccüblü deyil. Fujikura bir çox vacib müştəriyə sahibdir və Apple da bunlardan biridir. Şirkət bu ayın əvvəlində yayımladığı qazanc hesabatında gəlirlərini 674 milyon dollara çatdıraraq 17% artım əldə etdiyini bildirmişdi. Şirkətin gəlirinin təxminən 70%-i xaricdən, 38%- isə süni intellekt çılğınlığının mərkəzi olan ABŞ-dan gəlir.