Bildiyiniz kimi, demək olar ki, hər bir telekanalda yayımın gecikdirilməsi texnologiyasından istifadə olunur. Canlı yayımlar zamanı "canlı" olaraq izlədiyimiz bir çox verilişlər hər hansı səhv və ya senzuraya ehtiyacı olan vəziyyətlərin qarşısını almaq üçün 4-5 saniyə gecikdirilir. ChatGPT isə bu texnologiyanın ABŞ prezident seçkiləri zamanı istifadə edildiyini israr edir.

     Bir istifadəçi, ChatGPT-dən ABŞ prezidentlik debatlarının dinamikası barədə sual soruşub. Cavabında ChatGPT müzakirələrin 1-2 dəqiqəlik gecikmə ilə yayımlandığını və buna görə də moderatorların və yayım rəhbərliyinin uyğun olmayan şərhləri kəsə biləcəyini iddia edib. İstifadəçi, bu məlumatın doğru olmadığını bildirdikdə, ChatGPT israrla bu iddianın doğru olduğunu iddia edib və hətta bu təcrübənin müzakirələrin dürüstlüyünü və davamlılığını təmin etmək üçün edildiyini bildirib.

     Verilişin canlı yayımlandığı CNN-dən açıqlama olmasa da, ABŞ prezident seçkiləri ilə bağlı debatların gecikmədən yayımlandığı məlumdur. Bu hadisə, süni intellekt sistemlərinin, sistemdə "hallüsinasiyalar" deyilən vəziyyətlərlə qarşılaşa biləcəyini göstərir. ChatGPT, müxtəlif mənbələrdən aldığı məlumatları yanlış birləşdirərək və ya yanlış nəticələr çıxararaq bu səhv məlumatı hazırlamış ola bilər.