Çin inkişaf etməkdə olan ölkələrə pulsuz AI təklif edir

    Çin süni intellekt sahəsində qlobal təsirini artırmaq üçün yeni təşəbbüslə çıxış edib. Ölkənin xarici işlər naziri Wang Yi bildirib ki, Pekin qlobal süni intellekt əməkdaşlıq təşkilatının yaradılması üzərində işləyir və bütün ölkələri bu təşəbbüsə qoşulmağa dəvət edir. Açıqlama Çinin süni intellekt idarəçiliyinə dair yeni ağ kitabının təqdimatı zamanı səsləndirilib. Sənəddə inkişaf etməkdə olan ölkələrin texnologiyalara çıxışının artırılması, beynəlxalq əməkdaşlığın gücləndirilməsi və texnologiya sahəsində qapalı yanaşmalardan uzaq durulması vurğulanıb.

    Eyni vaxtda Fransada keçirilən G7 sammitində ABŞ-nin qabaqcıl süni intellekt modellərinə çıxışın yalnız “etibarlı tərəfdaşlar” üçün mümkün olması məsələsi müzakirə olunub. Bu isə süni intellekt sahəsində iki fərqli yanaşmanın formalaşdığını göstərir. ABŞ və onun müttəfiqləri ən güclü AI modellərinə nəzarət edilən çıxışı və ixrac məhdudiyyətlərini dəstəkləyir. Çin isə daha açıq strategiya seçərək, pulsuz və ya aşağı qiymətli modellərin yayılmasına üstünlük verir.

    Pekin süni intellekt diplomatiyasını əsasən BRICS və Shanghai Cooperation Organisation kimi platformalar üzərindən həyata keçirməyə çalışır. Çin həmçinin inkişaf etməkdə olan ölkələrə texnologiya və kadr hazırlığı sahəsində dəstək vəd edir.