Genie 2 əvvəlki versiya olan Genie 1-in 2D dünyalar yaratma qabiliyyətindən kənara çıxaraq oyunçuların qarşılıqlı əlaqə qura biləcəyi 3D mühitlər dizayn edə bilir. Alət, müxtəlif perspektivlərdən 3D dünyalar yaradır və bu dünyalarda hərəkətlərin nəticələrini simulyasiya edə bilir. Google, bu xüsusiyyətlərin Genie 2-nin təqdim etdiyi əsas yeniliklərdən olduğunu bildirib.

     Genie 2-nin ən mühüm xüsusiyyətlərindən biri oyun dizayn proseslərini sürətləndirə bilməsidir. Alət, həmçinin NPC-lər, mühit dinamikası (qravitasiya, suyun hərəkət xüsusiyyətləri), işıqlandırma və animasiya kimi oyun dünyasını daha real göstərən elementlər də yarada bilir. Genie 2 hələ video oyunların inkişafında birbaşa istifadə olunmasa da, potensialına görə əhəmiyyətli bir araşdırma vasitəsi kimi diqqət çəkir. Google bu texnologiyanı süni intellekt agentlərini öyrətmək və inkişaf etdirmək üçün də istifadə etməyi planlaşdırdığını açıqlayıb. Süni intellektin oyun sektorundakı rolu getdikcə daha çox hiss olunduğu bir dövrdə, Genie 2-nin gələcəkdə yaratdığı təsirlər artıq maraqla gözlənilir.