IBM CEO-su: "Süni zəka yaxın zamanda proqramçıları əvəz etməyəcək"

     IBM şirkətinin baş direktoru Arvind Krishna süni zəkanın yaxın zamanda proqramçıları tamamilə əvəz edəcəyinə inanmır. O bu fikri Anthropic şirkətinin rəhbəri Dario Amodei-nin bəyanatına cavab olaraq bildirib. Amodei 3-6 ay ərzində neyron şəbəkələrinin proqram təminatı kodun 90%-ni, 12 ay ərzində isə 100%-ni tərtib edə biləcəklərini proqnozlaşdırmışdı. Lakin Krishna-nın fikrincə, 6 ay ərzində süni zəka kodun 90%-ni deyil, cəmi 20-30%-ni tərtib edə biləcək. O, hesab edir ki, süni zəka proqramçıların məhsuldarlığını artıracaq, amma kod yazma sahəsində iş yerlərini tamamilə məhv etməyəcək - bəzi texnologiya tənqidçilərinin iddia etdiyi kimi.

Arvind Krishna:

     Krishna bildirib: "Əgər eyni sayda insanla 30% daha çox kod yaza bilirsinizsə, bu, daha çox kod yaradılmasına səbəb olacaq, yoxsa daha az? Tarix göstərib ki, ən məhsuldar şirkətlər bazar payını artırır. Daha çox məhsul istehsal etmək imkanı əldə etdikdə, bazardakı payınızı genişləndirə bilərsiniz". IBM süni zəkanı təhlükə yaratmayan bir texnologiya kimi təqdim etməkdə maraqlıdır. Şirkət süni zəka əsaslı bir sıra məhsul və xidmətlər, o cümlədən proqramlaşdırma üçün köməkçi alətlər satır. Bununla belə, Krishna-nın son açıqlamaları onun əvvəlki mövqeyi ilə müəyyən qədər ziddiyyət təşkil edir.

     2023-cü ilin yazında IBM bəzi işçi qəbullarını dayandırmışdı, çünki bu vəzifələrin yaxın illərdə süni zəka əsaslı alətlərlə əvəz olunması planlaşdırılırdı. O zaman Krishna 30% və ya təxminən 7.8 min işçinin 5 il ərzində süni zəka ilə əvəz ediləcəyini elan etmişdi. İndi isə Krishna mütəxəssislərin süni zəka ilə əvəz olunması mövzusunu, kalkulyatorların riyaziyyatçıları əvəz edəcəyi ilə bağlı keçmiş mübahisələrlə müqayisə edib. O, süni zəka modellərinin təlimatlandırılması zamanı intellektual mülkiyyət məsələləri ilə bağlı həll olunmamış problemlərin mövcudluğunu etiraf edib.

     Buna baxmayaraq, IBM rəhbəri süni zəkanı müsbət bir güc kimi qiymətləndirib. O, proqnozlaşdırıb ki, yeni texnologiyalar sayəsində süni zəka yaxın gələcəkdə hazırkı İT şirkətlərinin istifadə etdikləri enerjinin cəmi 1%-ni sərf edəcək. 2023-cü ilin sonunda IBM və Meta süni zəka sahəsində bir müttəfiqlik yaratdıqlarını elan etdilər. Bu müttəfiqlikdə Intel, AMD, Dell, Sony, Linux, Oracle, NASA, Kornell Universiteti, Yel Universiteti, Tokio Universiteti, Harvard Universiteti və digər 50-dən çox şirkət və institut iştirak edir.

Mənbə: Techcrunch