Uber Google üçün AI alətləri hazırlayan qrupu işdən çıxardı

    Uber Google-un sifarişi ilə süni intellekt alətləri üzərində çalışan bir qrup podratçını gözlənilmədən işdən azad edib. Business Insider-ın məlumatına görə, “Project Sandbox” adlı proqram çərçivəsində çalışan bu işçilər üç aylıq müqavilənin cəmi bir ayını tamamlamışdılar.

    Layihədə təxminən on nəfər çalışsa da, dəqiq neçə nəfərin ixtisar olunduğu açıqlanmayıb. Uber-in işçilərə göndərdiyi bildirişdə, müştərinin, yəni Google-un daxili prioritetləri dəyişdirdiyi və bunun layihənin dərhal dayandırılmasına səbəb olduğu qeyd olunub. Uber-in açıqlaması belə olub: “Müştəri daxili prioritetlərində dəyişiklik etdiyini bildirib və bu dəyişiklik proqram üzrə görülən işlərə birbaşa təsir göstərir”. İxtisarlar Google-un AI strategiyasındakı sürətli dəyişikliklərin davam etdiyi bir vaxtda baş verib.