Donald Trump milli kriptovalyuta ehtiyatının yaradılmasını elan edib

     Ötən həftə ABŞ prezidenti Donald Trump ölkənin yeni hökumətinin kriptovalyuta əməliyyatlarında iştirakı ilə bağlı strategiyasına aydınlıq gətirmişdi. Əvvəllər Trump yalnız dövlətin müəyyən həcmdə rəqəmsal aktivlər ehtiyatı saxlamasını dəstəkləyirdisə, indi o, bir neçə kriptovalyutanı əhatə edən tam hüquqlu bir ehtiyatın yaradılacağını elan edib. CNBC-nin məlumatına görə, Trump imzaladığı fərmanla xüsusi yaradılmış işçi qrupa XRP, Solana və Cardano da daxil olmaqla strateji kriptovalyuta ehtiyatının formalaşdırılması üçün şərait yaratmağı tapşırıb. Trump, Truth Social platformasında belə bəyan edib: “Aydındır ki, ehtiyatın əsasını Bitcoin və Ethereum təşkil edəcək, eləcə də digər dəyərli kriptovalyutalar”.

     Daha sonra o, Bitcoin və Ethereum-a xüsusi simpatiyası olduğunu etiraf edib. Bu açıqlamalar bazarda XRP-nin qiymətinin 33% artmasına, Solana ilə əlaqəli tokenin 25% bahalaşmasına, Cardano-nun isə 60%-dən çox dəyər qazanmasına səbəb olub. Bundan əlavə, Bitcoin 10% bahalaşıb, baxmayaraq ki, cümə günü 3 aylıq minimum səviyyəni yeniləmişdi. Ethereum isə 13% dəyər qazanıb. Hazırda Bitcoin 92 000$, Ethereum isə 2400$ səviyyəsində ticarət olunur. Bu cümə günü Donald Trum, Ağ Ev tərəfindən təşkil olunan kriptovalyutalar üzrə sammitdə iştirak edəcək.

     Görünən odur ki, tədbir zamanı ABŞ hökumətinin kriptovalyuta dövriyyəsi və dövlətin bu sahədə iştirakı ilə bağlı gələcək strategiyası açıqlanacaq. İndiyə qədər belə hesab olunurdu ki, Trump administrasiyası yalnız qanuni şəkildə müsadirə olunmuş rəqəmsal aktivləri toplayacaq və məqsədli satınalmalar həyata keçirməyəcək. Əgər dövlət aktivlərinin klassik ehtiyat sistemi ilə müqayisə aparılsa, ABŞ hökuməti kriptovalyuta ehtiyatlarını artırmaq üçün hansı şərtlər altında kriptovalyuta satın alacağını rəsmi şəkildə müəyyən edə bilər.

     Bütün investorlar ABŞ hökumətinin milli kriptovalyuta ehtiyatının formalaşdırılmasında iştirak etməsi ideyasına müsbət yanaşmır. ABŞ-da siyasi proseslərin dövri xarakter daşıması təkcə 4 ildən bir deyil, hətta parlamentin tərkibinin yenilənməsi səbəbilə hər 2 ildən bir də özünü göstərə bilər. Əgər gələcək hökumət kriptovalyuta ehtiyatının saxlanmasına skeptik yanaşarsa və ya büdcəni doldurmaq üçün vəsaitə ehtiyac duyarsa, bu rəqəmsal aktivlər bir neçə il ərzində sadəcə satıla bilər. Ümumilikdə, dövlətin mərkəzləşdirilməmiş rəqəmsal valyuta üzərində nəzarəti ideyası onun yaradılma məqsədlərinə ziddir. Buna görə də Trump-ın yeni təşəbbüsləri hamı tərəfindən bəyənilmir.

Mənbə: CNBC

Bənzər xəbərlər

Tech-Biznes

ByteDance şirkəti ABŞ-da TikTok üzərində idarəetməni itirmək istəmir

Donald Trump tərəfindən TikTok-un ABŞ-dakı taleyini həll etmək üçün verilən möhlət aprel ayının əvvəlində başa çatır və danışıqlar aparan tərəflərin razılığa gəlmək üçün çox vaxtı qalmayıb.

Təhlükəsizlik

Bybit oğurlanmış vəsaitlərin qaytarılmasında yardım üçün 140 milyon dollar mükafat veriləcək

Keçən həftə hakerlər Sinqapurun Bybit kriptobirjasına hücum edərək 1.4 milyard dollardan çox dəyərə sahib rəqəmsal aktiv oğurlayıblar. İndi isə şirkət informasiya təhlükəsizliyi sahəsində çalışan mütəxəssisləri və şirkətləri oğurlanmış vəsaitlərin axtarışı və bərpası proqramına qoşulmağa çağırıb və bərpa olunan məbləğin 10%-ə qədərini mükafat kimi ödəməyi vəd edib.

Təhlükəsizlik

ByBit birjasından rekord həcmdə vəsaitin oğurlanmasında Şimali Koreyadan olan hakerlər günahlandırılıb

Tarixdəki ən böyük kriptovalyuta oğurluğunun arxasında Şimali Koreya ilə əlaqələndirilən Lazarus Group haker qruplaşması dayanır. Bu barədə blokçeyn kəşfiyyatı üzrə ixtisaslaşmış Arkham Intelligence şirkəti, kriptovalyuta sahəsində ZachXBT ləqəbi ilə tanınan anonim detektivə istinadən məlumat verib.

Təhlükəsizlik

ByBit kriptobirjasından 1.4 milyard dollar dəyərində ETH oğurlanıb

Kriptovalyuta birjası ByBit 1.46 milyard dollar məbləğində "şübhəli vəsait çıxışı" ilə qarşılaşıb. Bu barədə kriptovalyuta sahəsində ZachXBT ləqəbli tanınmış detektiv məlumat verib. O, daha əvvəl bazarda bir sıra fırıldaqçılıq sxemlərini uğurla ifşa edib.

Tech-Biznes

Böyük İT şirkətlər Avropanın sərt qaydaları ilə Donald Trump-ın vasitəsilə mübarizə aparmağa hədəfləniblər

ABŞ-ın böyük texnoloji şirkətləri Avropa Birliyinin rəqəmsal bazarı tənzimləmək üçün tətbiq etdiyi sərtləşdirilmiş qaydalara qarşı daha aktiv mübarizə aparmağa başlayıblar.