AirPods və AirPods Max qulaqlıqları USB-C girişinə keçid edəcəklər

    Apple öz cihazlarını tədricən Lightning girişindən USB-C girişinə keçirir. Şirkətin sabah baş tutacaq təqdimatında təqdim ediləcək iPhone 15 smartfonları da USB-C girişi ilə təchiz olunmalıdırlar. Üstəlik sabahkı təqdimatda USB-C dəstəkli yenilənmiş AirPods Pro naqilsiz qulaqlığının təqdimatı da gözlənilir. Bloomberg saytının məşhur insayderi Mark Gurman-ın sözlərinə əsasən yaxın gələcəkdə şirkətin digər qulaqlıqları USB-C-yə keçid edəcəklər. İnsayder bildirib ki, adi AirPods və AirPods Max modelləri artıq gələn il Lightning girişindən azad olacaqlar və USB-C-yə keçid edəcəklər. Görünür sabah təqdim olunacaq yenilənmiş AirPods Pro modeli sadəcə USB-C girişinə sahib olması ilə fərqlənəcək. Digər özəlliklər baxımından o, daha öncəki AirPods Pro ilə eyni olacaq.