Əslində təkcə insanlar deyil, maşınlar və ya fabriklər də işləyərkən çoxlu istilik yaradırlar və bu istilik enerjinin çevrilərək itməsindən başqa bir şey deyil. "Tullantıların istilik bərpası" adlanan sistemlə bu enerji yenidən toplana bilir. Alimlərin inkişaf etdirdiyi “Tullantıların İstilik Bərpası” adlı sistemdə yayılan istilik, istilik effekti adlanan bir üsulla elektrik enerjisinə çevrilir. Normalda zərərli bəzi maddələrin istifadə olunduğu bu üsul, elektronların isti mühitdən soyuq mühitə doğru hərəkəti əsasında işləyir. Tədqiqat qrupu bu proses üçün ağac parçalarının da istifadə edilə biləcəyini aşkar edib.

     Enerjini toplamaq qədər onu saxlamaq da vacibdir. Alimlər bunun üçün xüsusi duz məhlulları və ağac liflərindən istifadə edərək bir batareya hazırlayıblar. Beləliklə, istiliyə çevrilərək itəcək enerji toplanaraq yenidən istehsalda istifadə oluna bilər. Əlbəttə ki, bu texnologiya gələcəkdə insanları Matrix filmində olduğu kimi batareyaya çevirmək üçün istifadə edilməyəcək. Yenə də bu texnologiya, istifadə etdiyimiz müddətdə şarjı bitməyən ağıllı saatlar kimi cihazlara yol aça bilər. Həmçinin, səhiyyə sahəsində də şarjı bitməyən eşitmə cihazları və ya generator dəyişikliyinə ehtiyac duymayan ürək cihazları üçün oxşar texnologiya istifadə edilə bilər.