Dr. Dahua Shou-nun rəhbərlik etdiyi komanda, həddindən artıq istilərin yaratdığı sağlamlıq problemlərinə effektiv həll təklif etmək üçün qeyri-adı bir geyim hazırlayıblar. Ənənəvi qoruyucu geyimlərin statik istiliyə davamlılığı həddindən artıq isti və ya mülayim hava şəraitində qeyri-adekvat qorunmaya və ya həddindən artıq istiləşməyə səbəb ola bilər. Bu yeni texnologiya, istifadəçilərinə hər şəraitdə optimal istilik rahatlığı təmin etməyi hədəfləyir.

     Təbiətdəki biomimetikadan ilhamlanan tədqiqatçılar, göyərçinlərin lələklərindən istifadə edərək istilik itkisini necə tənzimlədiyinə diqqət yetiriblər. Hazırlanmış yumşaq robot parça, insan bədəninə bənzər ekzoskelet kimi dizayn edilib və tərkibində toksik olmayan, alışmayan, aşağı qaynama nöqtəli bir mayeyə sahib yumşaq ötürücülər (tətik mühərriki) var. Ətraf mühitin temperaturu artdıqda, maye qaza çevrilir, bu da ötürücülərin genişlənməsinə və parçanın qalınlaşmasına səbəb olur. Bu, hava boşluğunu artıraraq istilik müqavimətini 2 qat artırır.

     Aparılan testlərdə, xarici səthin temperaturu 120°C-ə çatdıqda belə, qoruyucu geyimin iç səthinin istiliyini ənənəvi istiliyədavamlı geyimlərlə müqayisədə ən az 10°C daha aşağı saxladığı müşahidə edilib. Bundan əlavə, məsaməli toxuma quruluşu yüksək nəm keçiriciliyi təmin edərək istifadəçinin rahatlığını artırır. Termoelektrik çiplər və ya sirkulyasiya edən maye soyutma sistemləri tələb etməyən bu yüngül və yumşaq robot kostyum, heç bir enerji sərfiyyatı olmadan temperaturu effektiv şəkildə tənzimləyə bilir. Dr. Shou bildirir ki, bu yenilikçi texnologiya, aktiv geyimdən qış paltolarına, səhiyyə sənayesindən tikinti sənayesinə qədər çox müxtəlif sahələrdə istifadə edilə bilər. Komanda şişmə, nəfəs ala bilən gödəkçələr və isti paltarlar hazırlamaq üçün eyni texnologiyadan istifadə etməyi hədəfləyir.