Avropa Birliyi öz regionundakı elektron cihazların USB Type-C ilə təchiz olunmaları qanununu qəbul edib

Avropa Birliyi öz regionundakı elektron cihazların USB Type-C ilə təchiz olunmaları qanununu qəbul edib

Texnologiya
05.10.2022 PAYLAŞIM

    2024-cü ilin sonuna kimi Avropa Birliyi regionundakı bütün elektron mobil cihazlar məcburi şəkildə USB Type-C girişi ilə təchiz olunmalı olacaqlar. 2026-cı ildən başlayaraq isə bu qanun həmçinin noutbuklara şamil olunacaq. Bu qərar Avropa Parlamentində keçirilmiş səsvermənin nəticələrinə əsasən qəbul edilib. Qəbul edilmiş yeni qanuna əsasən avropalı istehlakçılar bundan sonra yeni cihaz əldə etdikləri zaman əlavə şarj cihazı almalı olmayacaqlar. Belə ki, kiçik və orta ölçülü bütün elektron cihazlar vahid şarj girişi ilə təchiz olunacaqlar. Bu qanun mobil telefonları, smartfonları, planşetləri, rəqəmsal kameraları, qulaqlıqları, portativ konsolları, səsgücləndiriciləri, elektron kitabları, klaviaturaları, mouse-ları, portativ naviqatorları və noutbukları əhatə edir.

    Əgər bu və ya digər cihaz naqil vasitəsilə şarj olunursa və ona 100 vatt gücündə cərəyan şiddəti kifayət edirsə, o, USB Type-C girişi ilə təchiz olunmalıdır. Bundan əlavə olaraq sürətli şarj texnologiyasını dəstəkləyən bütün cihazlar da vahid şarj girişi ilə təchiz olunmalıdırlar. Belə ki, şarj cihazları vahid şarj girişini əldə edən elektron cihazlar ilə uyğunlaşmalıdırlar. Bu halda şarj cihazlarının göstəriciləri xüsusi təyinatlar ilə qeyd olunacaqlar və istifadəçilər həmin təyinatlar vasitəsilə şarj cihazlarının rahat seçimini reallaşdıra biləcəklər. Avropa Parlamenti əmindir ki, qəbul edilmiş bu yeni qanun istehlakçılara şarj cihazlarının alınması məsələsində ildə ümumilikdə 250 milyon dollar vəsait qənaət etmək imkanını verəcək.


    Təkcə bu cür şarj cihazları hər il Avropa Birliyi regionunda 11 000 ton həcmində elektron tullantıların yaranmasına gətirib çıxarırlar. Qəbul edilmiş bu qərar yaxın zamanda təsdiqlənəcək və Avropa Birliyinin rəsmi jurnalında dərc ediləcək. Jurnalda dərc olunduqdan 20 gün sonra isə qanun qüvvəyə minəcək. Yeni qanun qüvvəyə minəndən sonra Avropa Birliyi ölkələrinə 12 ay vaxt veriləcək. 12 ay ərzində həmin ölkələr öz yerli qanunvericiliklərini bu yeni qanuna uyğunlaşdırmalı olacaqlar. Əlavə 12 ay isə yeni qanuna keçid üçün veriləcək.

    2018-ci ildə mobil telefonlar üçün olmuş şarj cihazlarının yarısı USB micro-B girişi ilə təchiz olunub. Şarj cihazlarının yerdə qalmış 29%-i USB Type-C girişi, 21%-i isə Lightning girişi ilə təchiz olunub. Avropa Parlamenti tərəfindən qəbul edilmiş yeni qanun həmçinin Apple şirkətini də əhatə edəcək. Qeyd etmək lazımdır ki, Apple uzun müddətdir ki, cihazlarda vahid USB Type-C girişinin istifadəsi ideyasına qarşı çıxır. Belə ki, şirkət öz smartfonlarında hələ də Lightning girişindən istifadə edir. Digər bütün istehsalçılar isə artıq uzun zamandır ki, USB Type-C girişinə keçid ediblər.

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple şirkətinin ilk qarışıq reallıq (AR + VR) cihazının unikal özəllikləri barə..

Bloomberg saytının məşhur insayderi Mark Gurman-ın sözlərinə əsasən Apple şirkəti öz ilk qarışıq rea..


Xiaomi-nin ilk elektromobilinin dizayn özəllikləri sərgilənib

Xiaomi şirkəti öz ilk elektromobili barəsində istənilən məlumatı hələ ki, sirr olaraq saxlayır...


OnePlus-ın ilk mexaniki klaviaturasının fotosu təqdim edilib

91mobiles saytı OnePlus şirkətinin ilk mexaniki klaviaturasının fotosunu əldə edib və onun barəsində..


Samsung iki istiqamətdə qatlana bilən yeni ekranını sərgiləyib

Samsung-un tərkibinə daxil olan Samsung Display şirkəti Flex In & Out adlı yeni qatlana bilən ek..


Apple HomePod 2 smart səsgücləndiricisini təqdim edib - QİYMƏTİ

Apple şirkəti HomePod adlı smart səsgücləndiricisinin ikinci versiyasını təqdim edib.


Tesla-nın 2016-cı ildəki avtopilot sistemi videosu tamamilə quraşdırılma imiş (V..

Tesla şirkəti 2016-cı ildə Model X elektromobili ilə bağlı reklam videosu təqdim etmişdi.

×