Ay səthindən çəkilmiş gün batımı fotoları göndərilib

     Firefly Aerospace şirkətinə məxsus Blue Ghost Ay eniş modulu, tarixdə ilk dəfə olaraq Ayda günbatımının yüksək keyfiyyətli fotolarını Yerə göndərib. Qərb üfüqünün müşahidəsi zamanı çəkilmiş bu görüntülər rəsmi olaraq Hyustondakı Lindon Conson adına Kosmik Mərkəzdə keçirilmiş mətbuat konfransında təqdim olunub. Bu hadisə, Firefly Aerospace şirkətinin NASA ilə tərəfdaşlıq çərçivəsində həyata keçirdiyi uğurlu 14 günlük missiyanın tamamlanmasını simvolizə edir. Modulun kamerası Günəşin Ay üfüqünün arxasında gizlənərək qaranlığa qərq olduğu və səthə kölgə saldığı anı qeydə alıb.

     Şəkillərdə həmçinin Günəş şüalarını əks etdirən Yer və kiçik parlaq nöqtə kimi görünən Venera da aydın şəkildə seçilir. NASA-nın elmi tədqiqatlar üzrə direktor müavini Joel Kearn bildirib ki, bu görüntülər təkcə estetik baxımdan təsirli deyil, eyni zamanda böyük elmi əhəmiyyətə malikdir. Şəkillərdə həmçinin Ay üfüqündəki parıltı qeydə alınıb - bu nadir hadisə ilk dəfə 1972-ci ildə “Apollo-17” missiyası zamanı Eugene Cernan tərəfindən müşahidə edilmişdi. Güman edilir ki, bu parıltı Ayın seyrək atmosferində üzən kiçik toz hissəciklərinin, Günəşin doğuşu və ya batışı zamanı işıqlandırılması nəticəsində yaranır.

     Şəkillərin təhlili mütəxəssislərə yeni məlumatları əvvəlki nəticələrlə müqayisə etməyə və vacib elmi nəticələr çıxarmağa imkan verəcək. İki həftəlik ay gecəsi başlamazdan əvvəl çəkilmiş son şəkil, Blue Ghost missiyasının elmi proqramının yekun mərhələsi olub. Layihə çərçivəsində aparat həmçinin “qanlı ay tutulması”nı, Ay səthində öz kölgəsini, kameranın baxış bucağından keçən Yeri, eləcə də Günəşin doğuşunun bədii fotosunu qeydə alıb. Firefly Aerospace şirkətinin baş direktoru Jason Kim bildirib: “Firefly Aerospace Ay səthinə tam uğurlu ilk kommersiya enişini həyata keçirdiyinə görə son dərəcə qürur duyur. Mən səmimi şəkildə inanıram ki, Firefly və Blue Ghost-un tarixi missiyası dərsliklərdə yeni bir fəsil və insanlığın nələrə nail ola biləcəyinin parlaq nümunəsi olacaq”.

Mənbə: Space.com

Bənzər xəbərlər

Elm & Texnologiya

Yerin fırlanmasından enerjinin əldə edilməsi mümkünlüyü yoxlanılıb

ABŞ-dan olan üç fizik, Yer kürəsinin fırlanma enerjisindən istifadə edərək elektrik enerjisi əldə etməyi nəzərdə tutan bir nəzəriyyəni praktik olaraq yoxlamağı təklif ediblər. Onlar tərəfindən yaradılmış xüsusi qurğu, planetin maqnit sahəsi ilə qarşılıqlı təsirə girərək 18 mikrovolt elektrik enerjisi hasil edib.

Elm & Texnologiya

Təbiət tərəfindən yaradılmış “zaman kapsulları” aşkar edilib

Planetimiz saysız-hesabsız heyvan və bitki növlərinə ev sahibliyi edir, lakin onların bir çoxu yox olma təhlükəsi ilə üz-üzədir və ya artıq nəsli tükənib. Alimlər illərdir nəsli kəsilməkdə olan növləri qorumaqla yanaşı, çoxdan məhv olmuş canlıları - məsələn, mamontları, dodo quşlarını və ya tasmaniya canavarını “diriltmək” üçün üsullar üzərində çalışırlar.

Elm & Texnologiya

Biofarminq texnologiyası ev şəraitində dərman hazırlamağa imkan verəcək

Kanadadan olan bir qrup tələbə-tədqiqatçı biotexnologiya əsasında dərman istehsalı üçün yeni bir texnologiya təqdim edib.

Elm & Texnologiya

Yerə düşən meteoritlər itirilmiş bir planetin qalıqları ola bilərlər

Yerə düşən anomaliyaya malik meteoritlər, Merkuriyə bənzər, lakin itirilmiş bir planetin qalıqları ola bilərlər. Alimlər hesab edirlər ki, bu planet Günəş sisteminin erkən dövrlərində məhv olub. Yerə düşən meteoritlərin əksəriyyəti ortaq mənşəyə malikdir və onları müəyyən qruplara bölmək mümkündür.

Elm & Texnologiya

Yeni plastik çirklənmə mənbəyi aşkar edilib

Araşdırmalar göstərir ki, mikroskopik plastik hissəcikləri artıq torpağa, havaya və su hövzələrinə nüfuz edib. Hətta insan orqanizmində və delfinlərin ağciyərlərində belə aşkar edilib. İndi alimlər daha bir gözlənilməz plastik çirklənmə mənbəyi tapıblar.