Nazoordeen, sıfır hardware təcrübəsi olmasına baxmayaraq, onlayn satın aldığı hissələrdən istifadə edərək tokamaka bənzər mini-termonüvə reaktoru yaratmağı bacarıb. Bu reaktor, plazma istehsal edə bilib, yəni sintezin baş verdiyi mühiti təmin etməyi bacarıb. Layihənin ən çətin hissəsi isə vakuum sistemi olub.

     Nazoordeen, otağındakı bu kiçik laboratoriyada vakuum sistemi üçün uyğun hissələri tapmaq və sistemi sızdırmaz hala gətirmək üçün çox çalışıb. Sonda isə o, atmosferin 25 milyonda biri qədər aşağı təzyiqə nail ola bilib. Bu uğurlu layihə, təkcə Nazoordeen-in deyil, həm də süni intellekt dəstəkli Claude 3.5 çatbotunun da uğuru kimi qiymətləndirilir. Nazoordeen, layihə zamanı qarşılaşdığı bir çox texniki detalları Claude-dan soruşaraq həll etdiyini bildirir. O, Claude-un rəhbərliyi altında məlumat vərəqlərindəki məlumatlardan səmərəli istifadə edərək layihəni tamamlaya bilib.

     Bu mini reaktor, hələlik əsl termonüvə reaksiyasını həyata keçirə bilməsə də, yəni neytron yaymasa da, Nazoordeen-in bu sahədə daha böyük planları var. Termonüvə reaksiyasının baş tutması üçün daha inkişaf etmiş mühəndislik işləri və ehtimal ki, daha təkmil bir reaktor lazımdır. İndi isə Nazoordeen, "tam funksional reaktor" üçün lazım olan maliyyəni gözləyir. Bu layihə, Olivia Li-nin keçən il New York-dakı mənzilində yaratdığı reaktordan ilhamlanıb. Li, Nazoordeen-in bu sahədəki uğurunu yüksək qiymətləndirərək, bu layihəni həyata keçirən yeganə şəxs olduğunu bildirib.