Osmo tərəfindən hazırlanmış texnologiya, bu vəziyyəti dəyişdirmək və qoxuları rəqəmsal mühitə inteqrasiya etməkdə uğur qazanmış kimi görünür. Bəs, bu necə mümkün olur? Bu transformasiyanın ən maraqlı nümunələrindən biri də qoxu dünyasının rəqəmsallaşdırılması olub. Alex Wiltschko-nun rəhbərlik etdiyi Google Research komandası, qoxunun rəqəmsal mühitdə işlənməsi və ötürülməsi ilə bağlı mühüm addımlar ataraq bu sahədəki yenilikləri bir təşəbbüsə çevirmək üçün Osmo-nu qurub. Osmo, qoxuları rəqəmsallaşdırmaqda qabaqcıl bir həll sərgiləyərək sağlamlıq, təhlükəsizlik və rifah baxımından insan həyatını yaxşılaşdırmağı hədəfləyir.

     Bu texnologiyanı mümkün edən əsas cihazlardan biri Qaz Xromatoqrafiyası-Kütlə Spektrometiyası (GCMS) olub. Bu cihaz vasitəsilə qoxu molekulları analiz edilir və alınan məlumatlar rəqəmsal mühitdə işlənir. Analiz edilən qoxu molekulları, süni intellekt dəstəyi ilə hazırlanmış Əsas Qoxu Xəritəsi (POM) vasitəsilə yenidən formalaşdırılır və maye şəklində əldə edilir. Bu proses, qoxuların rəqəmsal mühitdə təmsil olunmasını və daha mürəkkəb qoxu formullarının dəqiqliklə analiz edilərək təkrarlanmasını mümkün edir.

     Ətir sənayesini dəyişdirmək məqsədi də bu təşəbbüsün ən diqqətçəkən aspektlərindən biridir. Dərin öyrənmə texnikalarından istifadə edərək qoxu molekullarını təxmin edə bilən Osmo, ətraf mühitə dost və təhlükəsiz yeni aromatik molekullar hazırlamağı hədəfləyir. Qrafik neyron şəbəkələri ilə edilən molekul təxminləri, təbiətdəki qoxu komponentlərinin davamlılığını artırmaq potensialına malikdir. Bundan əlavə, Osmo-nun ətir sənayesindəki inqilabi uğuru süni intellekt sayəsində əvvəllər illərlə davam edən prosesləri 4 dəfə sürətləndirərək daha əvvəl qoxulanmamış yeni molekulların inkişafını mümkün edib.