Çin planetar müdafiəni hazırlamağa start verib

     2024 YR4 asteroidi, 27 dekabr 2024-cü ildə kəşf edildikdən sonra Yer kürəsi üçün ən təhlükəli göy cisimləri siyahısına daxil edildi. Lakin NASA və ESA (Avropa Kosmik Agentliyi) tərəfindən bu məlumatın yayılmaması Yeni il ərəfəsində panika dolu xəbərlərin qarşısını aldı. Asteroid öz trayektoriyası üzrə irəliləsə də, onun 2028 və 2032-ci illərdə yenidən Yerə yaxınlaşacağı gözlənilir. Xüsusilə 2032-ci ildə onun planetimizlə toqquşmaq ehtimalı var. Çilidəki ATLAS rəsədxanası tərəfindən ilk dəfə aşkar edildikdə, asteroidin Yerə çırpılma ehtimalı 1.2% olaraq qiymətləndirilmişdi.

2024 YR4 asteroidinin orbiti:

     Lakin yanvar ayında Cənubi Avropa Rəsədxanası əlavə müşahidələr apararaq bu ehtimalı demək olar ki, 2 dəfə artırıb - 2.2%-ə yüksəldib. Bu, hələ də sıfır ehtimal deyil və təhlükə tamamilə qeyri-real hesab edilə bilməz. Əgər asteroidin ölçüləri qiymətləndirmə aralığının yuxarı hissəsinə düşərsə, 2024 YR4 Yerə düşdüyü halda hətta böyük bir meqapolisi tamamilə məhv edə bilər. Hazırkı qiymətləndirmələr hələ tam dəqiq deyil, çünki asteroid aşkar edildikdə, artıq Yerdən uzaqlaşırdı. Alimlər 2024 YR4 haqqında daha çox məlumatı 2028-ci ildə Yerə növbəti yaxınlaşması zamanı toplayacaqlar.

     Məhz həmin vaxt asteroidin trayektoriyasını daha dəqiq müəyyən etmək və 22 dekabr 2032-ci ildə Yerə toqquşma ehtimalını yenidən qiymətləndirmək mümkün olacaq. Çin alimləri isə gözləməyi lazım bilməyib və bu hadisəni kifayət qədər ciddi siqnal hesab edərək planetar müdafiə qrupunu formalaşdırmağa başlayıblar. Bu qrup belə obyektləri izləmək və onlardan müdafiə strategiyalarını hazırlamaqla məşğul olacaq. Məsələn, 2020-ci ildə NASA DART missiyası çərçivəsində Dimorf asteroidini vuraraq onun trayektoriyasını dəyişdirmək üçün xüsusi "kamikadze" aparat göndərmişdi.

     Çinin yeni təşəbbüsü də oxşar müdafiə texnologiyalarının hazırlanmasını nəzərdə tutur. Çin mediasının məlumatına görə, asteroidin kəşf edilməsindən bir neçə həftə sonra Çin Dövlət Elm, Texnologiya və Sənaye İdarəsinin Xüsusi Layihələr Mərkəzi "planetar müdafiə xidməti" üçün 3 vakansiyanın açıldığını elan edib. Mərkəzin əsas vəzifələrindən biri asteroidlərin monitorinqi və erkən xəbərdarlıq sistemlərinin inkişaf etdirilməsidir. Adətən işə qəbul planlı şəkildə həyata keçirilir, lakin bu dəfə prosesdə müəyyən tələskənlik müşahidə olunub. Bu isə adi bürokratik prosedurlardan kənara çıxır və jurnalistlərin diqqətini cəlb edib.

Mənbə: South China Morning Post

Bənzər xəbərlər

Elm & Texnologiya

Kosmosun dərinliklərindən gəlmiş 20-dən çox radiosiqnal qeydə alınıb

Astronomlar kosmosdakı radiosiqnalları filtrdən keçirtmək və onların mənbələrini müəyyən etmək üçün xüsusi bir sistem yaradıblar. Alimlər qəfil yaranan və bir neçə saniyə və ya daha az müddətdə yox olan parlaq enerji partlayışlarını araşdırıblar.

Elm & Texnologiya

Planetimiz yeni qorxulu iqlim mərhələsinə keçid edib

Planetimiz rəsmi olaraq 2015-ci ildə imzalanmış Paris İqlim Sazişinin (COP) prioritet hədəfi kimi müəyyən edilmiş 1.5 dərəcə Selsi həddini keçib.

Elm & Texnologiya

Uranın peyki Ariel potensial olaraq səthaltı okeana sahibdir

Hazırda alimlər hesab edirlər ki, Yupiter, Saturn, eləcə də Neptun və Uranın bəzi peykləri su dünyalarıdır. Yəni onların səthlərində olan qalın buz qatının alt hissəsində maye şəklində sudan ibarət okean mövcuddur.

Elm & Texnologiya

İnsanlar hələ də təkamül prosesindədirlər (VİDEO)

Təkamül - Yer üzərində həyatın müxtəlifliyini formalaşdıran fasiləsiz bir prosesdir. Bu proses təbii seçmə, mutasiyalar və adaptasiyalardan ibarətdir və canlıların dəyişən mühit şərtlərinə uyğunlaşaraq sağ qalmasına və inkişaf etməsinə kömək edir.

Elm & Texnologiya

2100-cü ilə qədər Arktika qlobal istiləşmə səbəbilə tanınmaz hala gələcək

2024-cü ildə planetin orta illik temperaturu ilk dəfə olaraq sənaye dövründən əvvəlki səviyyə ilə müqayisədə 1.5 dərəcə Selsidən çox artdı. Bu, Sahara səhrasında rekord səviyyədə yağıntılar və daşqınlar, eləcə də bütün dünyada anormal dərəcədə isti yay kimi ekstremal hava hadisələrinə səbəb oldu.