Çində iPhone X-in əslindən öncə kopyası satışa çıxdı
Elm & Texnologiya
21.10.2017
Farid Pardashunas
iPhone X hələ satışa çıxmamış Çində artıq onun kopyası satılır.
Lakin kopyalanmış iPhone X-in əsl
iPhone X-dən fərqi ondadır ki, kopyalanmış versiya Android əməliyyat sistemi
vasitəsilə çalışır və 4 kameraya sahibdir. Beləliklə 12 Sentyabr tarixində təqdim
olunmuş iPhone X-ə cavab olaraq Çin şirkətləri özlərinin kopyalarını
hazırladılar. iPhone X-in kopyasını Çinin “Hotwav” adlı şirkəti təqdim etdi.
Smartfonun adı isə Symbol S3-dür. Symbol S3-ün arxası şüşə ilə örtülüb. Çinlilər
hətta orijinal iPhone X-dəki kameraların yerləşmə tərzlərini də kopyalayıblar.
Belə ki, Symbol S3-ün də arxa kameraları şaquli vəziyyətdədir. Lakin keyfiyyət baxımından onlar, orijinal iPhone X modellərinə uduzurlar.
Symbol S3 12 və 2 MP-lik ikili arxa kamera, 16 və 2 MP-lik ikili ön
kmaeraya sahibdir. Çox güman ki, ön tərəfdəki ikinci kamera, Face ID
texnologiyasının əvəzində yerləşdirilib. Təbii ki, kopyalanmış iPhone X, iOS 11
deyil, Android əməliyyat sistemi vasitəsilə çalışır. Həmçinin Android 8.0
Oreo-ya kimi yenilənmənin də olacağına söz verirlər. Smartfonun digər texniki
göstəricilərinə gəldikdə isə o, 1440x720 piksel keyfiyyətli 6 inç ekran,
MediaTek MT6739 prosessoru, 2 GB RAM, 16 GB daxili yaddaş və 2900 mAh enerji
tutumlu batareya ilə təchiz olunub. İndi isə maraqlısı ondadır ki, iPhone X-in
kopyalanmış bu versiyanın qiyməti nə qədərdir. Məlumata əsasən bu smartfonun
qiyməti 80$ təşkil edir. Bu isə orijinal iPhone X modelindən 16 dəfə ucuzdur.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ