Çindən sonra Almaniyada da bəzi iPhone modellərinin satışları qadağan edildi
Elm & Texnologiya
21.12.2018
Farid Pardashunas
Qualcomm şirkəti Apple ilə olan ikinci məhkəmə prosesində qalib gəlib. Çindən sonra Almaniyada da bəzi iPhone modellərinin satışlarına qadağa qoyulub. Çindən fərqli olaraq Almaniyada Apple şirkətini Qualcomm-un texniki patentini pozduğu üzrə günahlandırıblar. Belə ki, Apple şirkəti naqilsiz şəbəkə siqnallarının göndərilməsi zamanı smartfonun enerji effektivliyinin yüksəlməsi patentini pozub. Bu texnologiya isə Qualcomm şirkətinə məxsusdur. Apple şirkəti üçün komponent istehsalı ilə məşğul olan Intel və Qorvo Inc. şirkətləri bu patenti pozublar.
Almaniyada məhz həmin iki şirkət tərəfindən istehsal olunan komponentlərə sahib iPhone modellərinin satışları qadağan olunub. Söhbət, iPhone 7 və iPhone 8 modellərindən gedir. Apple şirkəti artıq Almaniyada yerləşən rəsmi mağazalarından iPhone 7 ilə iPhone 8 modellərini yığışdırıb. Bununla belə şirkət təmsilçiləri qeyd edirlər ki, şirkətin bütün iPhone modelləri mobil operator mağazalarında və digər dilerlərdə satılmağa davam edir.
Almaniya məhkəməsi tərəfindən təyin olunmuş qərarı şirkət appelyasiya məhkəməsinə verməyə hazırlaşır. Qeyd etmək lazımdır ki, bir neçə müddət bundan öncə Çində iPhone 6s, iPhone 6s Plus, iPhone 7, iPhoen 7 Plus, iPhone 8, iPhone 8 Plus və iPhone X modellərinin satışları qadağan edildi. Lakin buna baxmayaraq Apple şirkəti öz smartfonlarını satmağa davam edir. Onun sözlərinə görə patent qanunlarının pozulması iOS 11 əməliyyat sisteminə aid idi. iOS 12 əməliyyat sistemində isə bu cür pozuntu yoxdur.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ