Donuz böyrəklərinin insana transplantasiyası ilə bağlı klinik araşdırmalara start verilir

     Alimlər ksenotransplantasiyada ilk mərhələyə nail olduqlarını bildirdilər - bir insan GMO donuz böyrəyi ilə yarım il müddətdə fəsadsız yaşayır. İndi donor orqan istehsalçısı eGenesis ağır böyrək çatışmazlığı olan xəstələrdə pilot klinik tədqiqatlar aparmaq üçün icazə alıb. Bu, artıq ksenotransplantasiya sahəsində FDA tərəfindən verilən ikinci təsdiqdir. İcazə, donuz böyrəyi köçürülmüş 67 yaşlı amerikalının uğurlu klinik hadisəsinin dərcindən dərhal sonra verildi. Əməliyyatdan sonra həmin şəxs faktiki olaraq normal həyata qayıdıb. İndi isə ABŞ tənzimləyicisi FDA eGenesis-ə klinik tədqiqatlar aparmaq üçün icazə verib.

     Bu tədqiqatlar 50 yaşdan yuxarı və böyrək çatışmazlığının terminal mərhələsində olan xəstələrdə ksenotransplantasiyanın təhlükəsizliyini və effektivliyini qiymətləndirəcək. eGenesis ksenotransplantasiya üçün GMO orqanların yaradılması ilə məşğuldur, bunun üçün genetik dəyişikliklər edərək orqanların rədd olunma risklərini azaldır. Nəticədə heyvan orqanlarını insan resipiyentləri ilə daha uyğun etmək mümkün olur. Təxminlərə görə, yalnız ABŞ-da 800 000 nəfərdən çox insan böyrək çatışmazlığının terminal mərhələsindədir, lakin donor orqanların çatışmazlığı səbəbindən cəmi 28 000 böyrək transplantasiyası həyata keçirilib. Alimlər hesab edirlər ki, ksenotransplantasiya yaxın onillikdə bu problemi əhəmiyyətli dərəcədə həll etməyə imkan verəcək.