Galaxy M20 smartfonu Samsung'un rəsmi saytında ortaya çıxıb
Elm & Texnologiya
11.01.2019
Farid Pardashunas
Samsung şirkətinin Hindistandakı texniki dəstək xidmətinin saytında hələ təqdim edilməmiş Galaxy M20 smartfonunun səhifəsi aşkar edilib. Bu barədə Mysmartprice online mağazası xəbər verib. Sözügedən smartfon saytda SM-M205F/DS model nömrəsi ilə ortaya çıxıb. Təəssüflər olsun ki, saytda smartfonun texniki göstəriciləri barəsində məlumat yoxdur.
Lakin əvvəlki məlumat sızıntılarından biz bilirik ki, Galaxy M20 modeli Full HD+ keyfiyyətli Infinity-U ekranla təchiz olunacaq. Əsas texniki göstəricilərə gəldikdə isə smartfon Exynos 7885 prossessoruna, Mali-G71 MP1 qrafik sürətləndiriciyə, 3 GB RAM-a, 32 GB daxili yaddaş həcminə, ikili arxa kameraya və 5000 mAh enerji tutumlu batareyaya sahib olacaq. Galaxy M20 smartfonu Galaxy M10 ilə birlikdə yaxın zamanda təqdim olunmalıdır. Onun qiymətinin isə 215$ olacağı güman edilir.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ