Baxmayaraq ki, Galaxy Note 20 smartfon seriyasının  təqdimatına hələ çox var, məşhur Geekbench bençmark saytında sözügedən seriyanın modellərindən biri ortaya çıxıb. Bu barədə Gagadget saytı xəbər verib. Geekbench-də ortaya çıxmış smartfonun test versiyası SM-N986U model nömrəsinə sahib olub. Məlumata əsasən bu, Galaxy Note 20+ 5G modelidir. Smartfon Android 10 əməliyyat sistemi vasitəsilə çalışır.

    Beləliklə smartfonun test versiyası Geekbench-in birnüvəli testində 985 xal, çoxnüvəli testində isə 3220 xal toplayıb. Ice Universe ləqəbli məşhur insayderin verdiyi məlumata əsasən testdən keçmiş smartfon 8 GB RAM və Snapdragon 865+ prosessoru ilə təchiz olunub. İnsayderlərin məlumatlarına əsasən Snapdragon 865+ prosessoru bu ilin üçüncü rübündə təqdim olunmalıdır. Galaxy Note 20+ 5G barəsində digər bir məlumat hələki yoxdur. Galaxy Note 20 flaqman smartfon seriyası bu ilin avqust ayında təqdim olunmalıdır.