GoPro şirkəti GoPro Hero 12 Black action kamerasını təqdim edib. Yeni action kamera GoPro Hero 11 Black ilə müqayisədə elə də ciddi dəyişikliklər əldə etməyib. Bununla belə Hero 12 Black bir sıra yeni imkanı əldə edib. Bundan əlavə olaraq Hero 12 Black orijinal gövdə rənginə sahibdir. Onun gövdəsi qara plastikdən təşkil edilib və göy rəngdə kiçik ölçülü nöqtələrdən ibarətdir. GoPro Hero 11 Black kimi Hero 12 Black də 27 MP-lik kamera ilə təchiz olunub.

    Kamera sensorunun ölçüsü 1/1.9 düym, diafraqma göstəricisi isə f/2.5 təşkil edir. Action kameranın yeni modeli həmçinin özündə keçən ilki modelin prosessorunu (GP2) və əsas gövdə elementlərinin yerləşmə tərzlərini birləşdirir. Lakin yeni modelin alt hissəsində ştativə bərkidilmə üçün nəzərdə tutulmuş xüsusi yuva mövcuddur.

    Şirkətin vermiş olduğu məlumata əsasən Hero 11 Black ilə eyni ölçülərə sahib olmasına baxmayaraq Hero 12 Black-ın kamerası 70 dəqiqə ərzində saniyədə 60 kadr sürətlə 5.3K keyfiyyətində və 2.5 saat ərzində saniyədə 30 kadr sürətlə eyni keyfiyyətdə videolar çəkə bilir. Yeni action kamera üstəlik özündə 8:7 nisbətində videoların çəkiliş imkanını da birləşdirir. Hero 12 Black-ın digər özəllikləri aşağıdakılardır.

- HyperSmooth 6.0 stabilizasiya sistemi

- Yaxşılaşdırılmış HDR rejim

- Şaquli interfeys rejimi

- Səsin naqilsiz qulaqlıq mikrofonundan yazılması

- İki ədəd Hero 12 Black vasitəsilə sinxronlaşdırılmış çəkiliş

GoPro Hero 12 Black 13 sentyabr tarixində 400$ qiymətində satışa çıxacaq.