Hələ təqdim edilməmiş Redmi 7 smartfonunun videosu ortaya çıxdı

    İnternetdə hələ təqdim edilməmiş Redmi 7 smartfonunun videosu ortaya çıxıb. Ortaya çıxmış video smartfonun xarici görünüşünü təsdiqləyib və onun bəzi özəlliklərini sərgiləyib. Bu barədə Gagadget saytı xəbər verib. Beləliklə xarici görünüşcə Redmi 7 ssmartfonu Redmi Note 7 modelinə bənzəyir. Lakin Redmi Note 7-dən fərqli olaraq Redmi 7-nin ekran ətrafındakı çərçivələri bir qədər genişdir. Smartfon plastik materialdan hazırlanmış gövdəyə və şarj prosesi üçün nəzərdə tutulmuş microUSB grişinə sahibdir.

    Əsas texniki göstəricilərə gəldikdə isə smartfon HD+ keyfiyyətli 6.26 düym IPS ekran, 8 nüvəli Snapdragon 636 prosessoru, 3 GB RAM, 64 GB daxili yaddaş həcmi, 12 MP-lik ikili arxa kamera və 3900 mAh enerji tutumlu batareya ilə təchiz olunub. Lakin məlumdur ki, smartfonun 2/4 GB RAM və 16/32 GB daxili yaddaş həcmli versiyaları da olacaq. Redmi 7 Android Pie əməliyyat sistemi vasitəsilə çalışacaq. Xiaomi şirkəti smartfonun təqdimat tarixini hələki açıqlamayıb. Lakin çoxlu sayda məlumat sızıntılarını nəzərə alsaq smartfon yaxın müddətdə təqdim olunmalıdır.