Huawei şikətinin Honor brendi Honor 30 Pro və Honor 30 Pro+ flaqman smartfon modellərini təqdim etdi. Hər iki smartfon həm xarici görünüşcə həm də texniki özəlliklər üzrə eynidirlər. Onların arasındakı yeganə fərq arxa kameralar ilə bağlıdır. Beləliklə Honor 30 Pro və 30 Pro+ modelləri kənarları əyilmiş ekran dizaynını əldə ediblər. Smartfonlar 2400x1080 piksel keyfiyyətli 6.57 düym AMOLED ekrana sahibdirlər. Honor 30 Pro+ modelinin ekranı isə 90 Hz tezlikli təsvir yenilənməsi özəlliyini özündə birləşdirir.

    Barmaq izi skanı texnologiyası hər iki smartfonda ekrana inteqrasiya edilib. Bununla yanaşı smartfonların ekranlarının yuxarı sol hissələrində ikili ön kamera üçün nəzərdə tutulmuş çıxıntı hissə yerləşdirilib. Hər iki Honor 30 Pro modeli Kirin 990 5G prosessoru, 8 GB RAM, 128/256 GB daxili yaddaş həcmi, 32 MP + 8 MP ikili ön kamera və 40 vatt gücündə sürətli şarj texnologiyalı 4000 mAh enerji tutumlu batareya ilə təchiz olunub. Honor 30 Pro+ modeli həmçinin 27 vatt gücündə olan sürətli naqilsiz şarj texnologiyasını da dəstəkləyir və 12 GB RAM ilə təchiz olunan versiyaya sahibdir.

    Arxa kamera göstəricilərinə gədikdə isə Honor 30 Pro modeli 40 MP (Sony IMX600) + 16 MP (f/2.2 diafraqmalı ultragenişbucaqlı obyektiv) + 5 MP (f/3.4 diafraqmalı teleobyektiv, OIS) üçlü arxa kamera, Honor 30 Pro+ modeli isə 50 MP (f/1.9 diafraqmalı Sony IMX700) + 16 MP (f/2.2 diafraqmalı ultragenişbucaqlı obyektiv) + 8 MP (f/3.4 diafraqmalı teleobyektiv, OIS) üçlü arxa kamera ilə təchiz olunub. Honor 30 Pro+ modeli həmçinin 5 qat optik zoom, 10 qat hibrid zoom və 50 qat rəqəmsal zoom özəlliklərini dəstəkləyir. Smartfonlar 21 aprel tarixində satışa çıxacaqlar. Onların qiymətləri isə aşğıdakı kimidir.

- 128 GB daxili yaddaşa sahib Honor 30 Pro - 566$

- 256 GB daxili yaddaşa sahib Honor 30 Pro - 622$

- 128 GB daxili yaddaşa sahib Honor 30 Pro+ - 707$

- 12 GB RAM və 256 GB daxili yaddaşa sahib Honor 30 Pro+ - 778$.