İldırımötürücü özəlliyə sahib ilk dron hazırlanıb

     Yaponiya şirkəti NTT dünyada ilk dəfə ildırımötürücü qəfəs ilə təchiz olunmuş dron vasitəsilə ildırım zərbəsi yaradıb. Bu yenilik şəhər infrastrukturlarının qorunması üçün istifadə edilə bilər - cihaz göy gurultulu hava şəraitində havaya qalxaraq ildırım boşalmasını özünə çəkəcək və yerə dəyə biləcək zərərlərin qarşısını alacaq. Yaponiyada ildırım zərbələrinin hər il 1.4 milyard ABŞ dollarına qədər zərər vurduğu şəraitdə, bu texnologiya ənənəvi ildırımötürücülərə alternativ ola bilər. Hər il Yaponiyada ildırımlardan dəyən ziyan insan tələfatı nəzərə alınmadan 100-200 milyard yenə (təxminən 1.4 milyard dollara qədər) çatır. Bununla belə, ənənəvi ildırımötürücülər çox vaxt yetərli qoruma təmin etmir.

     Onların təsir dairəsi məhduddur və mürəkkəb qurğulara, məsələn, külək turbinlərinə quraşdırılması texniki baxımdan çətin bir prosesdir. Keçən ilin dekabr ayında NTT ildırımdan qorunmaq məqsədilə dronların istifadəsi ilə bağlı təcrübə həyata keçirib. Qasırğa təhlükəsi yerüstü avadanlıqlar vasitəsilə qiymətləndirilib. Əgər göy gurultulu buludlar yaxınlaşır və elektrik sahəsində dalğalanmalar qeydə alınırdısa, ildırımı “tutmaq” üçün dron havaya qaldırılırdı. Bu dronlar kamikadze tipli deyil - onlar xüsusi ildırımötürücü qəfəs ilə qorunurlar. Sınaq uçuşu zamanı yerə birləşdirilmiş naqillə təchiz olunmuş dron 300 metr hündürlüyə qalxaraq ehtimal edilən qasırğa buluduna yaxınlaşıb.

     Elə həmin anda güclü bir elektrik impulsu qeydə alınıb - şirkət iddia edir ki, dünyada ilk dəfə pilotsuz uçuş aparatı (PUA) vasitəsilə ildırım boşalması yaradılıb. Dron ildırım zərbəsindən sonra uçuşunu davam etdirə bilib, bu da onu qoruyan qəfəs sayəsində mümkün olub, baxmayaraq ki, qəfəsin bəzi hissələri əriyib. NTT şirkəti vurğulayır ki, dronun ildırım zərbəsindən sonra havada qala bilməsi əsas məqamdır. Real şəraitdəki bu sınaqdan əvvəl şirkət dronların 150 000 amper gücündə elektrik boşalmalarına davamlılığını yoxlamışdı. Texnologiyanı təkmilləşdirmək üçün NTT ildırımın hara düşəcəyini daha dəqiq proqnozlaşdırmaq istəyir. Bundan əlavə, şirkət ildırımdan yaranan enerjinin təhlükəsiz şəkildə toplanması və istifadəsi yolları üzərində də düşünür.

Mənbə: Tomshardware

Bənzər xəbərlər

Elm & Texnologiya

Xüsusi implant vasitəsilə beyin dalğalarını təbii nitqə çevirmək mümkün olacaq

Xeyli sayda insan xəstəliklər nəticəsində nitq qabiliyyətini itirir, baxmayaraq ki, onların idrak funksiyaları toxunulmaz qalır. Buna görə də süni zəka sahəsindəki irəliləyişlər fonunda bir çox tədqiqatçılar beynə implantasiya edilən çiplərlə neyron şəbəkələrin birləşməsi yolu ilə təbii nitqin sintezinə fokuslanıblar.

Elm & Texnologiya

Aydakı potensial bazanın inşasında robotlar iştirak edəcəklər

NASA və HEBI Robotics şirkəti qüvvələrini birləşdirərək Ayda bazalar inşa edəcək robotlar hazırlayırlar. Bu prosesin artıq 2030-cu ilə qədər gerçəkləşməsi planlaşdırılır. Robotlar insan müdaxiləsi olmadan işləyə biləcəklər.

Elm & Texnologiya

Huawei dünyanın ilk 10 Gbit sürətli internetini istifadəyə verib

Çində ilk dəfə olaraq bir şəhər təxminən 10 000 Mbit/s sürətində olan genişzolaqlı internetə keçid edib. Bu uğura paytaxt Pekinin ətrafında yerləşən Syun’an adlı yaşayış məntəqəsi nail olub.

Elm & Texnologiya

Çin Yer ilə Ay arasında ilk peyk əsaslı rabitə və naviqasiya sistemini yaradıb

Çin Yer və Ayın ətrafındakı uzaq orbitə qədər olan məkanda naviqasiya və rabitə peyk şəbəkəsinin yerləşdirilməsini başa çatdırıb. Bu o deməkdir ki, Yer və Ay ətrafındakı geniş məkanda kosmik aparatların təhlükəsiz və dəqiq hərəkəti təmin oluna bilər, həmçinin Ay səthində naviqasiya mümkün olacaq.

Elm & Texnologiya

Çində insanların və robotların iştirakı ilə yarımarafon keçirilib (VİDEO)

Pekində yerləşən İçjuan texniki-iqtisadi inkişaf zonasında keçən həftənin şənbə günü dünyada ilk dəfə olaraq həm insanların, həm də robotların iştirak etdikləri yarımarafon keçirilib.