IPO öncəsi Uber'in bazar qiyməti 120 milyard dollar dəyərində qiymətləndirilib

    The Wall Street Journall-ın öz mənbələrinə istinadən verdiyi məlumata əsasən Uber şirkəti IPO öncəsi Goldman Sachs və Morgan Stanley kimi banklar tərəfindən qiymətləndirilib. Beləliklə potensial investorların qiymətləndirməsinə əsasən Uber-in bazar qiyməti 120 milyard dollara çata bilər. Qeyd etmək lazımdır ki, Uber şirkətinin IPO-su gələn ilin əvvəlində baş tuta bilər. Bu barədə şirkətin hal hazırki CEO-su Dara Khosrowshahi hələ keçən ilin yay fəslindən bəri bildirirdi.

  İnvestorlar tərəfindən bu cür qiymətləndirmə bu ilin Avqust ayındakı qiymətləndirmədən çoxdur. Belə ki, Avqust ayında Toyota şirkətinin Uber-ə investisiyasından sonra taksi servisinin bazar qiyməti 76 milyard dollar dəyərində qiymətləndirilirdi. Əgər Uber-in bazar qiyməti 120 milyard dollara çatsa, o, General Motors, Ford və Fiat Chrysler Automobiles şirkətlərinin birlikdə qiymətindən daha baha olacaq. Uber-in planına əsasən şirkət bu ilin nəticəsinə uyğun olaraq 10-11 milyard dollar gəlir əldə etməyi düşünür.