CLS Wind-in patentləşdirilmiş lift tipli montaj sistemi, böyük kranlar və ağır yükdaşıyan barjalar və ya gəmilərdən istifadə etmədən külək turbinlərinin daha asan, təhlükəsiz və daha sürətli quraşdırılmasını vəd edir. Bundan əlavə, eyni üsuldan istifadə etməklə, texniki xidmət və quraşdırma işləri daha tez və sərfəli şəkildə idarə oluna bilər. CLS Wind CEO-su Kent A. Johnson, Amerika Gəmiçilik Bürosu (ABS) tərəfindən prinsipcə təsdiqlənmiş metod üçün “oyunun qaydalarını dəyişdirən texnologiya” ifadəsindən istifadə edir. CLS Wind-in məlumatına görə, yeni texnologiya, turbin və mühərrik bölməsini ağır yükdaşıyan barjalar və gəmilər olmadan quraşdırmaq imkanı verir. Bundan əlavə, təmir və əsas təkmilləşdirmələr daha sürətli və daha ucuz həyata keçirilə bilər.

     Bu sistem dizaynı, bütün platformalara uyğun olduğundan, geniş yayılmış kiçik kranlardan istifadə etməklə həyata keçirilə bilər. Proseslərin sürətləndirilməsi ilə paralel olaraq şirkət, 75%-ə qədər emissiyaların azaldılmasının mümkün olduğunu bildirir. ABŞ, 2010-cu ildə 47 GVt olan külək tutumunu son illərdə 3 dəfədən çox artıraraq 2023-cü ilin sonuna qədər 147.5 GVt-a çatdırıb. Bununla belə, Global Data tərəfindən hazırlanan hesabata görə, külək turbinlərindən istifadə nisbəti 2023-cü ildə 33.5%-ə düşərək son 8 ilin ən aşağı səviyyəsinə geriləmiş vəziyyətdədir. Ehtimal olunur ki, bu azalma xərclərlə bağlı narahatlıqlardan qaynaqlanıb. ABŞ, CLS Wind kimi innovativ həllər hazırlayan startaplar üçün 48.6 milyon dollarlıq mükafat proqramı həyata keçirir.