Artıq dəfələrlə məlumat ortaya çıxıb ki, Apple şirkəti iyunda keçiriləcək WWDC 2023 konfransı çərçivəsində yeni MacBook Air noutbukunu təqdim edə bilər. İndi isə məşhur insayder bunu təsdiqləyib. Bloomberg saytının insayderi olan Mark Gurman-ın sözlərinə əsasən Apple şirkəti 15 düym ölçülü ekrana sahib yeni MacBook Air modelinin təqdimat müddətini qərarlaşdırıb. Belə ki, yeni noutbuk həqiqətən də WWDC 2023 konfransı çərçivəsində təqdim olunacaq.

    Son məlumat sızıntılarına əsasən 15 düym ekrana sahib MacBook Air modeli Apple M2 prosessoru vasitəsilə çalışacaq. Bu məsələdə yeni MacBook Air iki versiyada satışa çıxacaq. Onlardan birində M2 prosessoru 8 nüvəyə, digərində isə 10 nüvəyə sahib olacaq. Bundan əlavə olaraq noutbukun çıxıntı hissəyə sahib ekran, MagSafe maqnit şarjı və 1080p görüntü keyfiyyətini təmin edəcək kamera ilə təchiz olunacağı gözlənilir.