Tədqiqatçılar, bir-birilə uyğunlaşan ayaq izlərilə yanaşı Braziliyanın Borborema bölgəsində və Kamerunun şimalında oxşar hövzələrin, çayların və göl birləşmələrinin dəlillərini tapıblar. Tədqiqat aparan tədqiqatçılar, tapılan ayaq izlərinin əksəriyyətinin üçbarmaqlı teropod dinozavrlarına, bəzilərinin isə dördayaqlı sauropodlara və quş ombalı ornitiskilərə aid olduğunu bildiriblər.

     Araşdırmanın aparıcı tədqiqatçısı Louis Jacobs qeyd edib ki, ayaq izləri yaş, forma və geoloji vəziyyət baxımından bir-birinə çox bənzəyir. Ayaq izlərinin qədim göl və çayların dibindəki allüvium və palçıq təbəqələrində fosilləşdiyini ifadə edən Jacobs, dinozavrların bu gün Cənubi Amerika və Afrika kimi tanınan 2 qitə arasındakı bu geoloji bölgədən 2 qitə arasındakı keçid xətti olaraq istifadə etdiklərini ifadə edib. Dinozavr qalıqlarının və ayaq izlərinin milyonlarla il əvvəl planetdə dolaşan növlər haqqında bənzərsiz məlumatlar verdiyini ifadə edən Jacobs, qalıqların dinozavrların yaşayış yerləri və qidalanma vərdişləri kimi detallara işıq tutduğunu vurğulayıb.

     Jacobs açıqlamasında "Ayaq izləri dinozavrların davranışlarını, necə yeridiklərini və ya qaçdıqlarını, kiminlə və hansı mühitdə getdiklərini, hansı istiqamətə getdiklərini və bunu edərkən harada olduqlarının sübutudur" sözlərini ifadə edib. O dövrdə yağıntı səviyyələrinin sıx bitki örtüyü olan tropik yağış meşəsi tipli ərazilərin yaranmasına kömək etdiyini bildirən Jacobs, heyvanların hövzələrə həm müasir Afrikadan, həm də Cənubi Amerikadan gəldiyini və populyasiyalarının qarışıq olduğunu ifadə edib. Jacobs əlavə olaraq bildirib ki, superqitə Pangea-nın ayrılması nəticəsində qitələrin bir-birindən uzaqlaşması, təkamülün əsas hərəkətverici qüvvəsi olan genetik davamlılığın pozulmasına səbəb olub.