Neyrodegenerativ xəstəliklərin inkişafını bloklayan molekul aşkar edilib

     Avstraliyalı alimlər neyrodegenerasiya fonunda neyronların məhvinin qarşısını ala bilən bir molekul müəyyən ediblər. Əvvəlcə tədqiqatçılar Parkinson xəstəliyinin müalicəsi üçün dərman yaratmağı hədəfləmişdilər, lakin bu kəşf hələ də müalicəsi mümkün olmayan xəstəliklərə qarşı universal terapiya yaradılması ümidini doğurur. Uolter və Eliza Holl Tibb Tədqiqatları İnstitutunun komandası 100 minə yaxın kimyəvi birləşmənin xüsusiyyətlərini təhlil edib və bunlardan birinin VAH adlı zülala təsir etməklə hüceyrə məhvinin qarşısını effektiv şəkildə aldığını aşkar edib. Alimlər artıq bilirdilər ki, VAH zülalı proqramlaşdırılmış hüceyrə ölümünü dayandırır. İndi isə onlar bu mexanizmi idarə etmək üçün bir vasitəyə sahibdirlər.

     “Digər hüceyrələrdən fərqli olaraq, neyronlarda VAH zülalının deaktiv edilməsi hüceyrə ölümünün məhdudlaşdırılması üçün kifayətdir” - deyə tədqiqatçılar qeyd ediblər. Təcrübələr göstərib ki, yeni molekul mitoxondriləri qoruyur və bununla da hüceyrənin funksiyasını saxlayır. Əvvəlcə bu tədqiqat Parkinson xəstəliyi üçün yeni müalicə üsulu axtarışı çərçivəsində aparılsa da, indi alimlər bu yeni yanaşmanın Altsheymer xəstəliyi də daxil olmaqla neyrodegenerativ xəstəliklərin universal müalicəsi üçün potensiala sahib olduğunu düşünürlər. “Bu kəşf neyrodegenerativ xəstəliklərlə mübarizə üçün növbəti nəsil hüceyrə ölümü inhibitorlarının yaradılmasına yol açır” - deyə tədqiqatçılar bildiriblər. İndi bu terapiyanın potensialı fərqli xəstəlik modellərində təsdiqlənməlidir.

Mənbə: Wehi