Nike isitmə sisteminə sahib ağıllı idman ayaqqabısını təqdim edib - QİYMƏTİ

     Nike, idman avadanlıqları istehsalçısı Hyperice ilə tərəfdaşlıq çərçivəsində yeni nəsil ağıllı geyim - Nike x Hyperice idman ayaqqabıları və jiletini təqdim edib. Bu məhsulların məqsədi məşqlərin effektivliyini artırmaq, idmançıların bərpasını sürətləndirmək və onları fiziki aktivliyə başlamazdan əvvəl hazırlamaqdır. Şirkətlər bu yanaşmanı “əvvəlcədən bərpa” konsepsiyası adlandırırlar - yəni bədəni yüklənməyə əvvəlcədən hazırlamaq. Hyperboot adlanan idman ayaqqabısı özündə istilik və hava-kompressiya terapiyasını birləşdirir. Daxili isidici elementlər və ikiqat hava kamerası ilə təchiz olunmuş Normatec sistemi ayaq və topuqları masaj edərək toxumaları bərabər şəkildə isidir və stimullaşdırır.

     İlk test iştirakçılarının sözlərinə görə, bu ayaqqabılar sanki isinmə hərəkətlərini artıq əvvəlcədən etmiş kimi bir hiss yaradır. Ayaqqabılara nəzarət kiçik düymələr vasitəsilə həyata keçirilir: Sol və sağ ayaqqabını sinxronlaşdırmaq və ya onları ayrı-ayrılıqda tənzimləmək mümkündür. İstifadəçi 3 fərqli kompressiya və istilik səviyyəsindən birini seçə bilər. İçlikdə yerləşdirilmiş daxili batareya 1.5 saata qədər işləmə imkanı verir, ayaqqabı cütünün ümumi çəkisi isə 1.7 kq təşkil edir. Jilet də eyni dərəcədə texnoloji xüsusiyyətlərə malikdir - onun daxilinə termoelektrik soyuducular quraşdırılıb.

     Bu sistem bədənin temperaturunu real vaxtda idmançının ehtiyaclarına uyğun şəkildə tənzimləyir. Bu isə ideal isinmə keçirməyə və sonradan orqanizmin bərpasına imkan yaradır. Jiletin içinə bədən göstəricilərini izləyən temperatur və təzyiq sensorları quraşdırılıb və onlar istilik modullarının işini tənzimləyirlər. Hava yastığına malik anatomik forma istifadəçinin bədən quruluşuna uyğunlaşır, bu da jiletin bədənə sıx oturmasını və istilik və ya soyutma prosesinin maksimum effektivliyini təmin edir. Hyperboot idman ayaqqabıları 17 may tarixində satışa çıxarılacaq və qiyməti 899$ olacaq. Əvvəlcə ABŞ-da satışa təqdim ediləcək, ilin sonuna qədər isə qlobal bazarda da istifadəyə veriləcək. Jiletin satış tarixi və əlçatanlığı barədə isə hələlik məlumat yoxdur.

Mənbə: Nike

Bənzər xəbərlər

Elm & Texnologiya

ABŞ-ın hava hücumundan müdafiə sistemi ilə Elon Musk və digərləri məşğul ola bilər

ABŞ Prezidenti Donald Trump hakimiyyətinin əvvəlində bəyan etmişdi ki, raket zərbələri ölkə üçün ən ciddi təhdiddir və onların qarşısını almaq üçün ABŞ ərazisinin tamamı İsrailin hava hücumundan müdafiə sisteminə bənzər “Qızıl Qübbə” ilə əhatə olunmalıdır.

Elm & Texnologiya

XPeng yenilənmiş Iron robotunu təqdim edib

Çinin XPeng şirkəti, avtomobil yığım xətlərində çalışan Iron adlı humanoid (insanabənzər) robotunun yenilənmiş versiyasını təqdim edib. Robot Turing adlı süni zəka çipi ilə təchiz olunub, 60 oynaq, 200 hərəkət azadlığı dərəcəsi və 3000 TOPS hesablama gücünə malikdir ki, bu da ona dəqiq manipulyasiyalar aparmağa, təbii şəkildə hərəkət etməyə və dialoqlar qurmağa imkan verir.

Elm & Texnologiya

Hava üzərindən məlumatların ötürülməsi sürətində yeni rekorda imza atılıb

Eyndhoven Texnologiya Universitetinin (TU/e) alimləri 4.6 km məsafədə naqilsiz infraqırmızı rabitə kanalı quraraq bu vasitə ilə saniyədə 5.7 Tbit sürətlə məlumat ötürə biliblər.

Elm & Texnologiya

İllərlə istifadə edilməyən SSD-lərdə məlumatlar silinə bilər

Uzunmüddətli məlumat saxlama üçün adətən maqnit disklərə əsaslanan klassik sərt disklərdən istifadə olunur, çünki bu, sadəcə olaraq daha ucuz başa gəlir.

Elm & Texnologiya

SpaceX Falcon 9-un birinci pilləsinin təkrar istifadəsində yeni rekorda imza atıb

SpaceX Falcon 9 daşıyıcı raketinin birinci pilləsinin təkrar istifadəsində yeni rekorda imza atıb - raket 14 aprel tarixində 27-ci dəfə uçuşa göndərilərək orbitə 21 ədəd V2 Mini internet peykini çatdırıb.