Omeqa-3-ün bioloji yaşlanmanı ləngitdiyi məlum olub

     Alimlər İsveçrədən olan yaşlı insanların iştirak etdikləri bir təcrübənin nəticələrini təqdim ediblər. Tədqiqat omeqa-3 tərkibli əlavələrin qəbulu ilə bioloji yaşlanmanın həqiqətən də yavaşladığını təsdiqləyib. Bu müsbət dəyişikliklər epigenetik göstəricilər əsasında sübut edilib. Alimlər hələlik yeni klinik tövsiyələr hazırlamağa tələsmirlər, lakin özləri də bu qida əlavəsini qəbul etməyə davam edirlər. Araşdırmanın həmmüəllifləri Heike Bischoff-Ferrari və Steve Horvath hər gün D vitamini ilə birlikdə omeqa-3 qəbul edirlər. Nature jurnalında dərc olunmuş yeni təcrübədə onlar bu əlavələrin yaşlı insanların orqanizminə təsirini araşdırmağa qərar veriblər.

     Tədqiqatın əsas məqsədi orqanizmdə bioloji yaşlanma sürətinin molekulyar səviyyədə qiymətləndirilməsi olub. 70 yaşdan yuxarı 700-dən çox könüllü 3 il ərzində ya omeqa-3, ya da plasebo qəbul edib. Bəzi iştirakçılara əlavə olaraq gündə D vitamini verilib və həftədə 3 dəfə 30 dəqiqəlik fiziki məşqlər tövsiyə edilib. İştirakçıların təxminən yarısı əvvəlcədən sağlam olub. Omeqa-3 əlavəsi qəbul edənlərdə bioloji yaşlanma prosesi 3-4 ay daha ləng gedib. Alimlərin sözlərinə görə, bu dəyişikliklər nisbətən kiçik olsa da, nəzərə alınmalı əhəmiyyətli nəticələrdir. Ən yaxşı nəticələr omeqa-3 və D vitaminini birgə qəbul edənlərdə müşahidə olunub.

     Məsələn, tədqiqatçılar yaşlanma prosesinin epigenetik saat göstəricilərinə görə yavaşladığını qeyd ediblər. Bu faktlar bioloji yaşlanmanın müxtəlif aspektlərini əks etdirən mühüm göstəricilər hesab olunur. Tədqiqatın müəllifləri qeyd edirlər ki, əldə edilən nəticələr hələ klinik praktikada tətbiq edilmək üçün kifayət deyil və insanlar həkim məsləhəti olmadan omeqa-3 qəbul etməməlidirlər. Məlumdur ki, həddindən artıq omeqa-3 istehlakı ürək ritminin pozulması riskini artırır. Buna görə hər bir insanın fərdi tibbi tarixçəsi nəzərə alınmalıdır. Bundan əvvəl aparılmış başqa bir araşdırmada alimlər müəyyən ediblər ki, omeqa-3 və omeqa-6 yağ turşuları 19 növ xərçəngin profilaktikasına kömək edir. Bununla yanaşı, hər bir yağ turşusu müəyyən şişlərə qarşı selektiv şəkildə təsir göstərir.

Mənbə: Nature

Bənzər xəbərlər

Elm & Texnologiya

Fotosintezin əsasında kvant mexanikasının dayandığı məlum olub

Günəş enerjisinin effektiv şəkildə kimyəvi enerjiyə çevrilməsi və sonradan saxlanılması mühəndislərin uzun illərdir arzuladığı bir məqsəddir. Təbiət isə bu problemi milyardlarla il əvvəl həll edib. Söhbət, fotosintez prosesindən gedir.

Elm & Texnologiya

Hubble teleskopu yeni unikal qalaktikanı kəşf edib

Astronomlar LEDA 1313424 adlı yeni qalaktikanı kəşf ediblər. Bu qalaktika indiyə qədər müşahidə olunanlardan tamamilə fərqlənir. Onun mərkəzindən suya atılmış daşın yaratdığı dalğalar kimi doqquz ədəd halqa-spiral qolu yayılır, halbuki əksər qalaktikalarda bu cür strukturlar adətən iki və ya üç olur.

Elm & Texnologiya

Hörümçəkləri "zombi"yə çevirə bilən yeni növ göbələk aşkar edilib

Alimlər yeni növ parazitar göbələyi təsvir ediblər. Bu göbələk mağara hörümçəklərini yoluxdurur və onların ölümdən əvvəl davranışlarını dəyişməyə məcbur edir. Bu nadir parazit ilk dəfə 2021-ci ildə BBC çəkiliş qrupu tərəfindən aşkar edilib.

Elm & Texnologiya

SETI alimləri yadplanetli izini axtarmaq üçün milyon kosmik obyekti yenidən yoxlayıb

SETI layihəsi 60 ildən artıqdır ki, uzaq ulduzlardan gələn radiosiqnalları analiz edərək, Yer kürəsi xaricində sivilizasiyaların axtarışı ilə məşğuldur. Təəssüf ki, indiyə qədər yadplanetlilərin mövcudluğuna dair heç bir sübut tapılmayıb.

Elm & Texnologiya

Marsda sürətli seysmik keçiricilik müşahidə edilib

NASA alimlərinin yeni araşdırması Mars mantiyasında seysmik dalğaların qeyri-adi dərəcədə yüksək keçiriciliyini üzə çıxarıb. Bu araşdırmada süni zəka mühüm rol oynayıb. Belə ki, o, Qırmızı Planetin səthinin 10 minlərlə görüntüsünü analiz edərək, yeni meteorit zərbəsi nəticəsində yaranmış kraterləri müəyyənləşdirib.