Parkinson xəstəliyini kök hüceyrələri vasitəsilə müalicə etməyə başlayıblar

     ABŞ alimləri, xəstələrin öz proqramlaşdırılmış kök hüceyrələrindən istifadə etməklə zədələnmiş dopamin neyronlarını əvəz etməyə yönəlmiş klinik tədqiqat mərhələsinə start verdiklərini açıqlayıblar. Artıq bir neçə insan eksperimental müalicə alıb. İlkin mərhələyə daxil edilən tədqiqatda Parkinson xəstəliyindən əziyyət çəkən altı nəfər iştirak edir. Onların müalicəsində öz kök hüceyrələrindən istifadə olunacaq. Məqsəd, motor funksiyası, öyrənmə və davranışın tənzimlənməsində iştirak edən dopamin neyronlarını bərpa etməkdir.

     Parkinson xəstəliyi zamanı bu neyronların ölümü müşahidə edilir. Buna görə də, onların bərpası xəstəliyin simptomlarını yüngülləşdirə və hətta zədələnmiş sinir toxumasını bərpa edə bilər. Məlumata görə kök hüceyrələr xəstənin öz qanından əldə edilir. Bu hüceyrələr əvvəlcə plüripotent (istənilən hüceyrə növünə çevrilə bilən) hala gətirilir. Daha sonra isə orta beyin hissəsindəki dopamin neyronlarına proqramlaşdırılır. Bu yanaşmanın üstünlükləri:

- Xəstənin öz hüceyrələrindən istifadə edildiyi üçün immun sistemi bioloji materialı rədd etmir.

- Beləliklə, xəstə immosupressiv terapiyaya ehtiyac duymur.

     Hazırda ilk 3 pasient artıq eksperimental müalicə alıb. Onların səhhəti 1 il müddətində müşahidə ediləcək. Alimlər xəstələrdə simptomların yaxşılaşmasını və molekulyar səviyyədə baş verən dəyişiklikləri qeydə alacaqlar.

Mənbə: Psychiatrictimes

Bənzər xəbərlər

Elm & Texnologiya

Qara dəliklərin daxilində bizim düşündüyümüz anlayış olmaya bilər

Kvant mexanikasına görə qara dəliklərin sinqulyarlığı mövcud olmamalıdır. Eynşteynin ümumi nisbilik nəzəriyyəsinin tənliklərində edilən dəyişikliklər qara dəliyin daxili strukturunu daha yaxşı izah edə bilər.

Elm & Texnologiya

Ayda suyun əldə edilməsi düşünüldüyündən daha asan ola bilər

Alimlər hesab edirlər ki, gələcəkdə Aya uçacaq astronavtlar suyu gözləniləndən daha asan əldə edə biləcəklər. Bu kəşf, pilotlu missiyaların Yer təchizatından asılılığını azaltmağa kömək edə bilər.

Elm & Texnologiya

Süd Yolu qalaktikasının yaxınlığında superkütləli qara dəlik ola bilər

Astronomlar hesab edirlər ki, Böyük Magellan Buludunun mərkəzində nəhəng bir superkütləli qara dəlik gizlənir və ətrafındakı materiyanı udur.

Elm & Texnologiya

Alimlər kainatdakı ilk ulduzların kəşf edilməsinə çox yaxındırlar

Bir zamanlar kainatda heç bir ulduz yox idi. Böyük partlayışdan qısa müddət sonra, sonsuz miqdarda hidrogen və helium mövcud idi. Qazın inanılmaz sıxlığı nəticəsində ilk ulduzlar yaranmağa başladı.

Elm & Texnologiya

Yüksək sürətlə hərəkət edən superkütləli qara dəlik aşkar edilib

Müşahidələr göstərib ki, olması lazım yerdə olmayan superkütləli qara dəlik kosmosda 1000 km/s-dən yüksək sürətlə hərəkət edir. Alimlər hesab edirlər ki, bu fenomen nəhəng bir kosmik toqquşmanın nəticəsidir.