Samsung şirkəti yeni Galaxy S10 flaqman seriyasının təqdimat tarixini rəsmi olaraq elan etdi. Beləliklə dünən ortaya çıxmış məlumat özünü doğrultdu. Samsung şirkəti həqiqətən də yeni flaqman smartfon seriyasını MWC 2019 sərgisindən öncə özünün keçirəcəyi Unpacked 2019 adlı tədbirdə təqdim edəcək. Beləliklə Galaxy S10 seriyası 20 fevral tarixində San Fransiskoda təqdim olunacaq. Qeyd etmək lazımdır ki, son yayılmış məlumatlara əsasən Galaxy S10 seriyasına 5 smartfon modeli daxil olacaq: Galaxy S10, S10 Plus, S10 Plus və 5G texnologiysına sahib iki Galaxy S10 versiyası.