Sony Xperia 3 flaqman smartfonu Geekbench testlərindən keçdi

    Hələ sentyabr ayının sonunda məlum olmuşdu ki, Sony şirkəti yeni flaqman smartfon üzərində çalışır. İndi isə həmin smartfon Geekbench testlərindən keçib. Bu barədə Sumahoinfo saytı xəbər verib. Sony-nin yeni smartfonu PM-1310 model nömrəsini əldə edib. Bir sıra mənbələrin verdikləri məlumata əsasən söhbət, Sony Xperia 3 modelindən gedir. Beləliklə Geekbench məlumatlarına əsasən Sony Xperia 3 smartfonu Snapdragon 865 prosessoru, 12 GB RAM ilə təchiz olunacaq və Android 10 əməliyyat sistemi vasitəsilə çalışacaq.

    Smartfon Geekbench-in birnüvəli testində 4261 xal, çoxnüvəli testində isə 13.422 xal toplayıb. Son məlumat sızıntılarına əsasən gələn il Sony şirkəti 4 ədəd flaqman smartfon modeli təqidm edəəck. Xperia 3 isə onlardan biri olacaq. Çox güman ki, sözügedən smartfon fevral ayının sonunda keçiriləcək MWC 2020 sərgisində təqdim olunacaq. Daha öncədən isə məlumat verilmişdi ki, Xperia 3 modeli 6 arxa kamera ilə təchiz olunacaq.