Təbiət tərəfindən yaradılmış “zaman kapsulları” aşkar edilib

     Planetimiz saysız-hesabsız heyvan və bitki növlərinə ev sahibliyi edir, lakin onların bir çoxu yox olma təhlükəsi ilə üz-üzədir və ya artıq nəsli tükənib. Alimlər illərdir nəsli kəsilməkdə olan növləri qorumaqla yanaşı, çoxdan məhv olmuş canlıları - məsələn, mamontları, dodo quşlarını və ya tasmaniya canavarını “diriltmək” üçün üsullar üzərində çalışırlar. Son tədqiqat Cənubi Afrikada təhlükə altında olan və mühüm ekoloji əhəmiyyətə malik kol bitkiləri ekosisteminin bərpasının mümkün olub-olmadığını araşdırıb. Maraqlıdır ki, alimlər Cənubi Afrikada təbii “zaman kapsulları” içərisində toxumlar aşkar ediblər və bu toxumların hətta 130 ildən sonra cücərə biləcəyini müəyyən ediblər. İndi tədqiqatçılar hesab edirlər ki, bu “təbii toxum bankları” regionun ikonik bitki ekosistemlərindən birini bərpa etmək üçün istifadə edilə bilər.

     Tədqiqatda araşdırılan toxumlar, Cape Flats Sand Fynbos adlı bitki icmasına aiddir. Bu ekosistemin böyük hissəsi Cənubi Afrikanın Keyptaun şəhərində yerləşən Tokay parkında. Son 100 ildən artıq müddət ərzində bu bölgə ağac emalı üçün istifadə olunub. Kolonizasiya dövründə gətirilən yad növ ağaclar yerli finbos bitkilərinin üstünə çıxaraq onların yayılmasını məhdudlaşdırıb. İndi bu ekosistemin böyük bir hissəsi yox olma təhlükəsi altındadır və alimlər onu qorumaq və bərpa etmək üçün yollar axtarırlar. Aparılan yeni araşdırma bu ekosistemin bərpasının açarının yeraltında - torpaq toxum banklarında gizləndiyini göstərir. Bu “təbii toxum bankları” torpağın altında saxlanılır və uzun illər boyu cücərmək və böyümək üçün uyğun şəraitin yaranmasını gözləyir.

     Araşdırma müəllifləri bildirirlər ki, bu “zaman kapsulları” yalnız bölgənin keçmişinə nəzər salmaq üçün deyil, həm də əvvəllər nəsli kəsilmiş hesab edilən və ya yox olmaq üzrə olan növləri bərpa etmək üçün potensial imkan yarada bilər. 1990-cı illərdə Tokay parkında baş vermiş təsadüfi yanğın və sonrakı illərdə aparılmış planlı yandırmalar nəticəsində finbos bitkiləri yenidən ortaya çıxıb. Bu fakt torpaqda toxum banklarının mövcud olduğu və həmin toxumların ekstremal şəraitlərdən sağ çıxdığı ehtimalını gücləndirib. Araşdırma qrupu Tokay parkındakı “zaman kapsullarının” miqyasını öyrənmək üçün işə başlayıb.

     Alimlər parkın beş fərqli hissəsindən torpaq nümunələri toplayıblar, əsas diqqəti isə xüsusi əhəmiyyətə malik altı finbos növünün yayıldığı sahələrə yönəldiblər. Alimlər, meşə plantasiyalarının 100 ildən çox davam etməsinə baxmayaraq, finbos toxumlarının sağ qaldığını aşkar ediblər. Sonrakı mərhələdə bu toxumlar tüstü təsirinə məruz qalıb və cücərməyə başlayıb. Araşdırmanın nəticələri göstərir ki, toxumlar təəccüblü dərəcədə uzun müddət - 40 ildən 130 ilə qədər sağ qala biliblər. İndi alimlər hesab edirlər ki, bu təbii toxum banklarından yox olmaqda olan növlərin bərpası üçün istifadə edilə bilər. Bundan əlavə, əvvəllər nəsli tükənmiş hesab edilən bəzi bitkiləri təbii mühitinə qaytarmaq da mümkün ola bilər.

Mənbə: Iflscience

Bənzər xəbərlər

Elm & Texnologiya

Biofarminq texnologiyası ev şəraitində dərman hazırlamağa imkan verəcək

Kanadadan olan bir qrup tələbə-tədqiqatçı biotexnologiya əsasında dərman istehsalı üçün yeni bir texnologiya təqdim edib.

Elm & Texnologiya

Yerə düşən meteoritlər itirilmiş bir planetin qalıqları ola bilərlər

Yerə düşən anomaliyaya malik meteoritlər, Merkuriyə bənzər, lakin itirilmiş bir planetin qalıqları ola bilərlər. Alimlər hesab edirlər ki, bu planet Günəş sisteminin erkən dövrlərində məhv olub. Yerə düşən meteoritlərin əksəriyyəti ortaq mənşəyə malikdir və onları müəyyən qruplara bölmək mümkündür.

Elm & Texnologiya

Yeni plastik çirklənmə mənbəyi aşkar edilib

Araşdırmalar göstərir ki, mikroskopik plastik hissəcikləri artıq torpağa, havaya və su hövzələrinə nüfuz edib. Hətta insan orqanizmində və delfinlərin ağciyərlərində belə aşkar edilib. İndi alimlər daha bir gözlənilməz plastik çirklənmə mənbəyi tapıblar.

Elm & Texnologiya

Zamanın başladığı yer: Qara dəliklərin hara apardıqlarına dair fərziyyə irəli sürülüb

Albert Eynşteyn və onun Ümumi Nisbilik Nəzəriyyəsi bildirirdi ki, qara dəliyin daxilində heç nə sağ qala bilməz, çünki onun mərkəzində sinqulyarlıq yerləşir. Bu nöqtədə bütün materiya və zaman sonsuz sıxlığa malik bir nöqtəyə yığılır və burada fəza və zaman anlayışları yox olur.

Elm & Texnologiya

Günəş sistemindən kənardakı planetlərdə həyat üçün vacib element müşahidə edilib

Astronomlar, James Webb kosmik teleskopu vasitəsilə ilk dəfə olaraq Günəş sistemimizdən kənar planetlərin atmosferində karbon qazını birbaşa müşahidə ediblər. Karbon qazı Yer üzündə həyati proseslərin ayrılmaz hissəsidir.