'Uber'dən Travis Kalanick-ə sərt mesaj: 'Travis, şirkətə geri qayıtmayacaq'
Elm & Texnologiya
08.08.2017
Farid Pardashunas
“Uber”in təsisçisi və keçmiş CEO-su Travis Kalanick, şirkətə geri qayıtmayacaq.
Bu barədə şirkətin həmtəsisçisi və direktorlar şurasının
üzvü Garrett Camp bildirib. Camp, şirkət əməkdaşlarına məktub göndərib. Həmin məktubda
isə Kalanick-in şirkətə qayıtması haqqında KİV-də yayılmış şaiyələrin əsassız
olduğunu bildirib. “Bizim inkişafımızın yeni mərhələsi üçün yeni başçının və
liderin vaxtı gəlib çatıb. Xəbərlərdə gördüyünüz məlumatlara baxmayaraq Travis,
şirkətin baş direktor vəzifəsinə geri qayıtmayacaq” – deyə Camp öz məktubunda
qeyd edib. Bundan əlavə olaraq məktubda qeyd olunub ki, şirkət hələki Travis-in
yerinə gələcək şəxsin axtarışında deyil. Lakin şirkətin yeni baş direktoru,
dünya səviyyəli bir CEO olmalıdır. Məlumata əsasən şirkət artıq Kalanick-in
yerini əvəz edəcək 4 namizədi seçib. Bu namizədlərin seçilməsində hətta
Kalanick özü də iştirak edib. Lakin namizədlərin adları hələki açıqlanmır. Qeyd
etmək lazımdır ki, 21 İyun tarixində Kalanick, şirkətin 5 böyük səhmdarının təzyiqi
nəticəsində şirkətdən getməli oldu. Onun getməsinin əsas səbəblərindən biri isə şirkətin
son vaxtlarda müxtəlif münaqişələrdə adının hallanması oldu.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Xiaomi 14 seriyasına süni intellekt əlavə ediləcək!