main-post-cover

    Yeməklərə duz tökmədən duzlu dad verə bilən "elektron qaşıq" təqdim edilib! (VİDEO)

    Elm & Texnologiya
    22.05.2024
    Chinara Pardashunas

         Yaponiyanın "Kirin" içki şirkəti, səhhətindəki problem səbəbindən duz istehlak edə bilməyənləri və ya sağlamlığı üçün duzdan imtina etmək istəyənləri sevindirəcək elektron qaşığını təqdim edib.

         Duz, şübhəsiz ki, verdiyi dada görə hər yeməyin ən vacib elementlərindən biri hesab oluna bilər. Ancaq bəzi insanlar sağlamlıq problemlərinə görə duzlu qidalardan uzaq durmalı olur. Normalda pivə şirkəti olan, lakin son vaxtlar səhiyyə sektoruna üz tutan Kirin adlı bir Yapon şirkəti, bu problemi yeni bir məhsulla həll etməyi hədəfləyir.
         Kirin-in elektron qaşığı keçən il İqnobel mükafatını qazanan bir texnologiyadan ilhamlanaraq hazırlanıb. İqnobel Mükafatları bildiyimiz kimi Nobel Mükafatlarının satirik versiyasıdır. Bu mükafatlar mənasız, absurd və qeyri-adi texnologiyalara verilir. Keçən ilki qaliblərdən biri olan və iki yapon tədqiqatçısı tərəfindən hazırlanan texnologiya, chopstick’lərin duzlu dadı verməsini təmin edirdi. Kirin isə bu texnologiyanı kommersiyalaşdırıb, öz elektronik qaşıqlarına uyğunlaşdıraraq yeni məhsulunu təqdim edib.
         Kirin, insanlara duzu bir qaşıqla dadmağa imkan verməyi və sağlam yeməklərin daha çox istehlakını təşviq etməyi hədəfləyir. Şirkət bu ay Yaponiyada qiyməti 127 dollar olan 200 ədəd elektron duz qaşığı satmağı planlayır. Şirkətin əsas məqsədi isə məhsulu dünyanın 4 bir tərəfində satışa çıxaraq 5 il ərzində 1 milyon satışa çatmaqdır. Hazırda şirkətin bu məhsulu, digər ölkələrdə 2025-ci ildə satışa çıxarması gözlənilir.
         Plastik və metaldan hazırlanmış qaşıq, İqnobel mükafatını qazanan Meiji Universitetinin tədqiqatçısı və yapon professoru Homei Miyashita ilə birgə hazırlanmışdır. Texnologiya, duzluluğu aşkar etmək üçün zəif elektrik yükünü ötürməklə dilin üzərindəki natrium ion molekullarını artırır. Qaşığın çəkisi isə 60 qramdır və təkrar doldurulan litium batareya ilə təchiz edilmişdir. Araşdırmalar nəticəsində qaşığın duz hissiyatını 50%-ə qədər artırdığı müşahidə edilib. Bu da duzlu yeməklərdən uzaq olan, lakin yemək istəyən şəxsləri sevindirəcək kimi görünür. Təbii ki, bu məhsulun, artıq duz istehlakını azaltmaq istəyən sağlam insanlar üçün də faydalı ola biləcəyini qeyd etmək lazımdır.
    Linki kopyala

    Bənzər xəbərlər

    Oxşar xəbərlər
    Hindistanda 3D printer vasitəsilə çap edilmiş raket mühərriki test edilib
    hindistanda-3d-printer-vasitesile-cap-edilmis-raket-muherriki-test-edilib
    Sıxılmış hava əsasında çalışacaq yeni nəsil elektrostansiya inşa ediləcək
    sixilmis-hava-esasinda-calisacaq-yeni-nesil-elektrostansiya-insa-edilecek
    Atmosferdəki CO2 qazının emalı üçün nəzərdə tutulmuş ən böyük zavod işə salınıb
    atmosferdeki-co2-qazinin-emali-ucun-nezerde-tutulmus-en-boyuk-zavod-ise-salinib
    Suyu mikroplastik hissəciklərdən və bakteriyalardan təmizləyən kiçik robotlar hazırlanıb (VİDEO)
    suyu-mikroplastik-hisseciklerden-ve-bakteriyalardan-temizleyen-kicik-robotlar-hazirlanib-video
    Yüksək sürətli şarj imkanına sahib natrium-ion batareya hazırlanıb
    yuksek-suretli-sarj-imkanina-sahib-natrium-ion-batareya-hazirlanib