Yeni dişlərin yetişdirilməsi üçün nəzərdə tutulmuş dərman bu il insanlar üzərində test ediləcək
Elm & Texnologiya
13.05.2024
Emil
Keçən il xəbər ortaya çıxmışdı ki, yapon alimlər yeni dişlərin yetişdirilməsi üçün nəzərdə tutulmuş dərman preparatı üzərində çalışırlar. Hazırlanmış dərman preparatı artıq heyvanlar üzərində uğurla test edilib. Yeni məlumata əsasən mütəxəssislər sözügedən dərman preparatının insanlar üzərində testlərinə start verməyə hazırlaşırlar. Məlumatda qeyd edilib ki, yeni dişlərin yetişdirilməsinə hədəflənmiş dərman preparatının testlərinə sentyabr ayında start veriləcək. Qeyd etmək lazımdır ki, yapon alimlərin hazırlamış olduqları dərman preparatı USAG-1 adlı genin bloklanmasına istiqamətlənib.
USAG-1 adlı gen müəyyən zülallar ilə qarşılıqlı əlaqədə olur və bu da yeni dişlərin yetişməsi prosesini dayandırır. Hazırlanmış dərman preparatı isə sözügedən geni bloklamaqla yeni dişlərin yetişdirilməsini stimullaşdırmalıdır. Məlumata əsasən dərman preparatı müəyyən müddətdən sonra dişlərin böyüməsi ilə yanaşı karies və ya hər hansısa zədələnmə səbəbilə dişini itirmiş şəxsdə yeni dişin yetişməsinə imkan verəcək. Məlumata əsasən dərman preparatı vena üzərindən orqanizmə yeridiləcək. Kliniki testlərdə 30 yaşdan 64 yaşa kimi 30 nəfər kişi pasient iştirak edəcək.
Bu dərman preparatının effektivliyini yoxlamaq üçün pasientlər ən azından arxa dişlərdən birinə sahib olmamalıdırlar. Daha sonra sözügedən dərman preparatı doğuşdan diş çatışmazlığı problemindən əziyyət çəkən şəxslərə təyin ediləcək. Bu mərhələdə pasientlərin yaş kateqoriyası 7-yə endiriləcək. Mütəxəssislər dərman preparatının təhlükəsiz olduğunu təsdiq edəndən sonra o, doğuşdan diş çatışmazlığı problemindən əziyyət çəkən hamıya təyin edilə biləcək. Dərman preparatının 2030-cu ildə satışa çıxması planlaşdırılır.
Paylaş
tooth regeneration
tooth regeneration 2024
tooth regeneration japan
dislerin berpasi
disin berpasi
science
science news
elmi xeberler
Bənzər xəbərlər
Elm & Texnologiya
Bərpa olunan enerji mənbələri elektrik enerjisi istehsalının artıq 1/3 hissəsini təşkil edirlər
Bütün dünyada elektrik enerjisinin istehsalında bərpa olunan mənbələrin payı rekord göstəricidə artıb. Söhbət, 33%-lik artımdan gedir. Əsas artımı Günəş və külək enerji mənbələri sərgiləyiblər.
Elm & Texnologiya
Termonüvə rekordu: 50 milyon dərəcə Selsi temperaturlu plazmanı rekord müddət ərzində saxlamaq mümkün olub
Fransanın WEST adlı tokamakı (termonüvü sintezi prosesində plazmanın maqnit vasitəsilə saxlanması üçün qurğu) yeni rekorda imza atıb.
Elm & Texnologiya
Potensial olaraq suya və həyat növünə sahib ola biləcək yeni ekzoplanet kəşf edilib
Alimlər potensial olaraq suya və həyat növünə sahib ola biləcək yeni ekzoplanetin mövcudluğunu təsdiqləyiblər. Astrophysical Journal adlı nəşriyyatda dərc edilmiş tədqiqata əsasən kəşf edilmiş ekzoplanet eyni anda bir neçə rekorda imza atıb.
Elm & Texnologiya
Parçalanması üçün tərkibində bakteriyalara sahib yeni növ plastik material yaradılıb
Mikrobioloqlar geniş şəkildə yayılmış bəzi plastik növlərini həzm edə bilən bir neçə bakteriya ştamını müəyyən ediblər.
Elm & Texnologiya
Çiy ət məhsullarının tərkiblərində antibiotiklərə dözümlü olan bakteriyalar aşkar edilib
Mağazalarda satılan çiy ət məhsulları və o cümlədən heyvanlar üçün nəzərdə tutulmuş bəzi yemlər özlərində ciddi təhlükəni birləşdirə bilərlər.
Ən çox oxunanlar
Təqdimata sayılı günlər qalmış Samsung Galaxy S25 smartfonlarının reklam fotoları ortaya çıxıb
