Yerin fırlanmasından enerjinin əldə edilməsi mümkünlüyü yoxlanılıb

     ABŞ-dan olan üç fizik, Yer kürəsinin fırlanma enerjisindən istifadə edərək elektrik enerjisi əldə etməyi nəzərdə tutan bir nəzəriyyəni praktik olaraq yoxlamağı təklif ediblər. Onlar tərəfindən yaradılmış xüsusi qurğu, planetin maqnit sahəsi ilə qarşılıqlı təsirə girərək 18 mikrovolt elektrik enerjisi hasil edib. Nəticələr hələ digər tədqiqat qrupları tərəfindən təstiqlənməlidir, lakin əgər fiziklərin gəldikləri nəticələr doğru çıxarsa, istehsal olunan enerjinin miqdarını istifadə üçün yararlı səviyyəyə qədər artırmaq mümkünsüz sayılmamalıdır. Christopher Chyba, Thomas Chyba və Kevin Hand - Prinston Universiteti və Reaktiv Hərəkət Laboratoriyasının tədqiqatçıları - Yer kürəsinin fırlanması və onun maqnit sahəsindən istifadə etməklə elektrik enerjisi generasiyası ideyası üzərində artıq təxminən 10 ildir düşünürlər.

     2016-cı ildə onlar bu imkanları təsvir edən bir məqalə dərc etmişdilər. Lakin tənqidçilər iddia edirdilər ki, bu, mümkün deyil, çünki belə qurğu tərəfindən yaradılan istənilən gərginlik elektrik sahəsinin yaranması zamanı elektronların yenidən düzülməsi nəticəsində dağılacaq. Tədqiqatçılar gərginlik itkisini hər hansı bir yolla qarşısını almağın mümkün olub-olmadığı sualını verdilər. Bunu araşdırmaq üçün onlar manqan-sink ferritindən hazırlanmış silindrik bir qurğu hazırladılar - bu material zəif keçirici olmaqla yanaşı, maqnit ekranı funksiyasını da yerinə yetirir. Onlar silindri şimal-cənub istiqamətində 57 dərəcə bucaq altında yerləşdirdilər ki, o həm Yer kürəsinin fırlanma hərəkətinə, həm də onun maqnit sahəsinə perpendikulyar olsun.

     Daha sonra silindrin hər iki ucuna gərginliyi ölçmək üçün elektrodlar birləşdirildi. Fotoelektrik effektin qarşısını almaq üçün işıq söndürüldükdə, alimlər müəyyən etdilər ki, qurğu 18 mikrovolt elektrik enerjisi generasiya edir - bu enerjinin mənşəyini planetin fırlanmasından başqa heç bir yolla izah etmək mümkün deyil. Phys portalının yazdığına görə, tədqiqatçılar silindrin iki tərəfi arasındakı temperatur fərqi nəticəsində yaranmış ola biləcək gərginliyi də nəzərə alıblar. Onlar həmçinin qeyd ediblər ki, silindrin bucağını dəyişdikdə və ya başqa nəzarət silindrləri istifadə etdikdə heç bir gərginlik yaranmayıb. Alimlərin gəldiyi nəticələr təcrübi təsdiqini gözləyir.

Mənbə: Phys.org

Bənzər xəbərlər

Elm & Texnologiya

Təbiət tərəfindən yaradılmış “zaman kapsulları” aşkar edilib

Planetimiz saysız-hesabsız heyvan və bitki növlərinə ev sahibliyi edir, lakin onların bir çoxu yox olma təhlükəsi ilə üz-üzədir və ya artıq nəsli tükənib. Alimlər illərdir nəsli kəsilməkdə olan növləri qorumaqla yanaşı, çoxdan məhv olmuş canlıları - məsələn, mamontları, dodo quşlarını və ya tasmaniya canavarını “diriltmək” üçün üsullar üzərində çalışırlar.

Elm & Texnologiya

Biofarminq texnologiyası ev şəraitində dərman hazırlamağa imkan verəcək

Kanadadan olan bir qrup tələbə-tədqiqatçı biotexnologiya əsasında dərman istehsalı üçün yeni bir texnologiya təqdim edib.

Elm & Texnologiya

Yerə düşən meteoritlər itirilmiş bir planetin qalıqları ola bilərlər

Yerə düşən anomaliyaya malik meteoritlər, Merkuriyə bənzər, lakin itirilmiş bir planetin qalıqları ola bilərlər. Alimlər hesab edirlər ki, bu planet Günəş sisteminin erkən dövrlərində məhv olub. Yerə düşən meteoritlərin əksəriyyəti ortaq mənşəyə malikdir və onları müəyyən qruplara bölmək mümkündür.

Elm & Texnologiya

Yeni plastik çirklənmə mənbəyi aşkar edilib

Araşdırmalar göstərir ki, mikroskopik plastik hissəcikləri artıq torpağa, havaya və su hövzələrinə nüfuz edib. Hətta insan orqanizmində və delfinlərin ağciyərlərində belə aşkar edilib. İndi alimlər daha bir gözlənilməz plastik çirklənmə mənbəyi tapıblar.

Elm & Texnologiya

Zamanın başladığı yer: Qara dəliklərin hara apardıqlarına dair fərziyyə irəli sürülüb

Albert Eynşteyn və onun Ümumi Nisbilik Nəzəriyyəsi bildirirdi ki, qara dəliyin daxilində heç nə sağ qala bilməz, çünki onun mərkəzində sinqulyarlıq yerləşir. Bu nöqtədə bütün materiya və zaman sonsuz sıxlığa malik bir nöqtəyə yığılır və burada fəza və zaman anlayışları yox olur.