"Xiaomi" özünün ən innovativ smartfonu Mi Mix-i təqdim etdi
Elm & Texnologiya
07.05.2017
Farid Pardashunas
Yeni smartfonu Mi Note 2-dən əlavə olaraq "Xiaomi” şirkəti həmçinin daha bir smartfonu Mi Mix-i də təqdim etdi.
İlk öncə bu smartfonun sadəcə
konsept olduğu söylənilsə də şirkət işlək vəziyyətdə olan prototipi təqdim
etdi. Mi Mix-in əsas özəlliyi, onun ekran ətrafının tamamilə çərçivəsiz olmasıdır. Cihaz "Sharp” şirkətinin Aquos Crystal smartfonuna çox bənzəyir. Belə
ki, o da çərçivəsiz dizayna sahibdir. Lakin "Xiaomi” daha irəli gedərək aşağı
hissənin çərçivəsini də kiçildib. Mi Mix-in ön hissəsinin 91.3%-ni 6.4 inç-lik
ekran tutur. Buna baxmayaraq ölçüsünə görə smartfon, 5.5 inç-lik ekrana sahib
cihaza bənzəyir. Smartfonun yuxarı hissəsi demək olar ki, çərçivəsiz olduğundan onun ənənvi səsləndirici funksiyası yoxdur. Belə ki, həmsöhbət olduğunuz
şəxsin səsi daxili qulağa səsi, kəllə sümüyü vasitəsilə ötürən və sümük keçirici
texnologiyadan istifadə edən akustik sistem vasitəsilə eşidilir. Ekranın alt
hissəsində əlavə yer olmadığından cihazın ön hissəsi yalnız kamera ilə təchiz
olunub. Mix Mix-in daha bir özəlliyi, onun korpusunun tamamilə keramikadan
hazırlanmasıdır. Şirkət həmçinin smartfonun texniki göstəricilərini də
açıqlayıb.
- 4 nüvəli Qualcomm Snapdragon 821
prosessoru
- 4/6 GB RAM, 128/256 GB daxili
yaddaş həcmi
- 16 MP arxa kamera
- 4400 mAh enerji tutumlu batareya
(Quick Charge 3.0 sürətli enerji yığma funksiyası)
4 GB RAM və 128 GB daxili yaddaş
versiyalı Mİ Mix 515$, 6 GB RAM və 256 GB daxili yaddaş versiyalı Mi Mix isə 590$
qiymətinə satılacaq. Smartfon 4 Noyabr tarixində satışa çıxacaq.
Linki kopyala
Bənzər xəbərlər
Oxşar xəbərlər
Həftənin xəbərləri
Huawei Pura 70 və Pura 70 Pro təqdim olunublar - QİYMƏTİ
Telegram-ın yaradıcısı Pavel Durov geniş müsahibə verib (VİDEO)