Apple ilə FİFA arasında razılaşmanın yaxın vaxtlarda rəsmi olaraq açıqlanacağı gözlənilir. İlk turnir gələn ilin yayında Amerikada baş tutacaq. Apple-ın yayım hüququ üçün təxminən 1 milyard dollar ödəyəcəyi deyilir. Razılaşma reallaşarsa, 2026-cı ildə ABŞ-da kişilər arasında 48 komandanın iştirak edəcəyi Dünya Çempionatını təşkil edəcək FİFA, ilk dəfə dünya miqyasında tək bir müqavilə üzərində razılaşmış olacaq. Bütün bu turnirin isə "Apple TV+" abunəçiləri üçün açıq olacağı gözlənilir.

     Məlumdur ki, Apple "Major League Soccer"in qlobal yayım hüquqlarını saxlamaq üçün artıq 2,5 milyard dollar xərcləyib. Bunun sayəsində MLS və Liqa Kuboku matçları "Apple TV+" vasitəsilə yayımlanır. Abunə olmayanlar üçün giriş haqqı ayda 14.99$ və ya mövsüm üçün 99$ təşkil edir. "Apple TV+"a abunə olanlar üçün isə ayda 12,99$ və ya mövsüm üçün 79$-a başa gəlir. Apple, "Apple TV+" abunəçilərinin sayını artırmaq üçün idman oyunlarına xüsusi diqqət yetirir. Qeyd etmək lazımdır ki, Apple-ın MLS ilə müqaviləsindən başqa, "Major League Baseball" ilə də müqaviləsi var.