Copilot adlı süni zəka köməkçisi Windows 10-da istifadəyə veriləcək
Əməliyyat sistemləri
17.11.2023
Emil Noisy
Microsoft şirkəti bir neçə müddət bundan öncə süni zəka əsaslı Copilot köməkçisini Windows 11-də istifadəyə verdi. Daha sonra məlumat ortaya çıxdı ki, şirkət Copilot-u həmçinin Windows 10-da istifadəyə verməyi planlaşdırır. İndi isə bu məlumat rəsmi şəkildə təsdiqlənib. Belə ki, şirkət Copilot-u artıq Windows 10-da test etməyə başlayıb. Çat-bot Windows 10 22H2-nin ilkin versiyasında artıq aktivdir. Windows 10 istifadəçiləri öz suallarını Copilot-a mətn və ya səsli əmrlər şəklində verə bilərlər. Çat-botun funksionallığı Windows 11-dəki versiyadan fərqli olaraq bir qədər sadələşdiriləcək.
Məsələn Windows 10-da çat-bot sistem ayarlarını və tətbiqləri idarə edə bilməyəcək. Lakin bununla belə çat-botun funksionallığı tədricən genişlənəcək. Microsoft-un Copilot-u Windows 10-a əlavə etməsində əsas səbəb böyük ehtimal ilə bu əməliyyat sisteminin istifadəçilər arasında məşhur olması ilə bağlıdır. Şirkət ümid edir ki, bunun sayəsində çat-botun istifadəçi kütləsini artırmaq mümkün olacaq. Hal hazırda Windows 10 çərçivəsində Copilot Şimali Amerika, Cənubi Amerika və Asiyadakı istifadəçilər üçün aktivdir.
Linki kopyala
Həftənin xəbərləri
