Dözümlü gövdəyə sahib Galaxy Xcover 5 smartfonu üçün Android 13-ün stabil versiyası istifadəyə verilib

    Samsung şirkəti dözümlü gövdəyə sahib Galaxy Xcover 5 üçün Android 13-ün stabil versiyasını istifadəyə verib. Məlumata əsasən əməliyyat sistemi yenilənməsi bu smartfonun bəzi Avropa ölkələrinin istifadəçiləri üçün təqdim edilib. Çox güman ki, yaxın zamanda əməliyyat sisteminin stabil versiyası Galaxy Xcover 5-in bütün ölkələrdəki istifadəçiləri üçün də istifadəyə veriləcək. Qeyd etmək lazımdır ki, Android 13 ilə yanaşı Galaxy Xcover 5 smartfonu həmçinin yeni OneUI 5.0 interfeysini və Google şirkətinin noyabr ayı üçün nəzərdə tutulmuş təhlükəsizlik yenilənməsini əldə edib.