iOS 17 vasitəsilə iPhone-nu smart ekrana çevirmək mümkün olacaq
Proqram Təminatı
Əməliyyat sistemləri
25.05.2023
Farid Pardashunas
Bloomberg saytının insayderi Mark Gurman iOS 17-də istifadəyə veriləcək yeni funksiya barəsində məlumat verib. Onun sözlərinə əsasən yeni funksiya iPhone-nu Google Nest Hub tərzində smart ekrana çevirməyə imkan verəcək. Məlumatda qeyd edilib ki, iOS 17-də olacaq bu yeni funksiya Always-on-Display imkanını əhatə edəcək. Belə ki, istifadəçi iPhone-nun blokda olduğu zaman onu üfüqi şəkildə yerləşdirsə, onun ekranında hava proqnozu, planlaşdırılmış görüşlər və bildirişlər barəsində məlumatlar smart ekran tərzində əks olunacaqlar. Bununla belə üfüqi yerləşdirilmiş smartfonda Always-on-Display standart şəkildə çalışmağa davam edəcək. Sözügedən yeni funksiyanın əsas məğzi ondadır ki, smartfon hansısa dayaq və ya stol üzərində yerləşən zaman daha faydalı imkanlar sərgiləsin.
Linki kopyala
Bənzər xəbərlər
Oxşar xəbərlər
Həftənin xəbərləri
WhatsApp-da AirDrop analoqu istifadəyə veriləcək
Galaxy C seriyası geri qayıtdı: Samsung Galaxy C55 5G smartfonu təqdim edilib - QİYMƏTİ